Мужчына ў Менску набыў праз інтэрнэт і забіў 15 катоў

Злачынныя дзеянні ён здымаў на камеру мабільнага тэлефона.

Мужчына ў Менску набыў праз інтэрнэт і забіў 15 катоў. Пра гэта БелТА паведамілі ў Следчым камітэце.

Фрунзенскім (Менска) раённым аддзелам Следчага камітэта закончанае расследаванне крымінальнай справы аб жорсткім абыходжанні з жывёламі, якія прывялі да іх гібелі. Са звестак следства, удзень 11 жніўня неабыякавыя грамадзяне паведамілі валанцёрам, што з кватэры дома ў Фрунзенскім раёне даносяцца крыкі жывёліны. Зоаабаронцы прыехалі па адрасе, але дзверы ім ніхто не адчыніў. Тады яны накіраваліся да смеццевых кантэйнераў, дзе знайшлі труп ката. Валанцёры неадкладна звярнуліся ў праваахоўныя органы. Супрацоўнікі міліцыі аператыўна ўстанавілі гаспадара памерлай жывёліны, якой быў 22-гадовы мянчук.

Згодна з матэрыяламі справы, усяго ад злачынных дзеянняў фігуранта загінулі 15 катоў розных парод і ўзростаў. Абвінавачаны набываў жывёлін праз інтэрнэт. Падчас допыту малады чалавек патлумачыць свой учынак не здолеў. Паводле ягоных слоў, шматлікія ўдары рукамі і нагамі ён наносіў па розных частках целаў жывёлін праз дрэнны настрой. У адным з выпадкаў фігурант кінуў кацяняаб дрэва ў лесапарку сталіцы. Целы памерлых жывёл ён выкідваў праз балкон ці ў смеццевыя кантэйнеры. Злачынныя дзеянні маладзён здымаў на камеру мабільнага тэлефона.

Следчы дапытаў абвінавачанага і сведкаў, а таксама агледзеў інфармацыю на мабільным тэлефоне фігуранта. Да матэрыялаў крымінальнай справы далучаны высновы экспэртных даследаванняў, праведзеных спецыялістамі ДКСЭ.

Пры вывучэнні асобы абвінавачанага ўстаноўлена, што маладзён з'яўляецца рамеснікам, які раней не быў судзімы. Згодна з высновай стацыянарнай судова-псіхіятрычнай экспертызы, фігурант у момант учынення злачынстваў усведамляў фактычны характар і грамадскую небяспеку сваіх дзеянняў і мог кіраваць імі.

Па выніках расследавання 22-гадоваму хлопцу выстаўленае абвінавачанне паводле ч.ч.1,2 арт.339-1 (жорсткае абыходжанне з жывёламі, якое пацягнула яго гібель і калецтвы, учыненае з хуліганскіх і іншых нізінных памкненняў, учыненыя паўторна). Да яго з санкцыі пракурора прымененая мера ўтрымання ў выглядзе ўзяцця пад варту.