Пуціну няма куды ўцякаць

У расейскага дыктатара засталося толькі два варыянты дзеянняў.

Міністр замежных спраў Украіны ў 2007-2009 гадах і кіраўнік Цэнтра даследавання Расеі Уладзімір Агрызка распавёў nv.ua, як Пуцін можа скончыць сваю дыктатуру ў РФ.

«Напраўду няма куды яму ўцякаць. Хіба што да Кім Чэн Іну. <...> Хіба што ў [Паўночнай Карэі] ён можа знайсці сабе нейкі прытулак, але я не думаю, што гэта сур'ёзна», - мяркуе Агрызка.

Напраўду у расейскага дыктатара і ваеннага злачынцы, на думку дыпламата, засталося толькі два варыянты дзеянняў:

«Першы - гэта той, што ён сапраўды сядзе на лаву падсудных і яго здадуць, як у свой час Мілошавіча здала Сербія, якая сказала, што яна ўсё ж хоча быць краінай, якая ідзе ў бок цывілізацыі, а не аўтарытарызму. Або ён скончыць вельмі дрэнна фізічна - яго проста прыбяруць».

Развіццё падзей, паводле слоў Агрызкі, залежыць не ад сітуацыі ў Крамлі, а на фронце:

«Калі ўкраінскія Узброеныя сілы нанясуць зруйнавальны ўдар па расейскіх акупантах, калі гэты хрыбетнік будзе канчаткова зламаны, тады ў Крамлі паўстане пытанне (у тых, хто сядзіць побач з Пуціным і тых, хто яшчэ хоча неяк пажыць): ці не варта ім абмяняць сваё будучае і бясхмарнае жыццё на Пуціна ці працягваць яго падтрымліваць? Я думаю, што пастанова будзе, безумоўна, аналагічная той, якая была ў дачыненні да Мілошавіча: яго проста зробяць ахвярным казлом, на яго павесяць усе грахі, скажуць, што гэта ён асабіста прымаў пастанову аб гэтай вайне. <...> Яго лёс будзе гаажскім ці, магчыма, марыюпальскім, у залежнасці ад таго, дзе будзе засядаць Міжнародны спецыялізаваны трыбунал».