Шольц: Энэргетычная бяспека Нямеччыны на гэтую зіму гарантаваная
2- 23.11.2022, 21:54
- 2,852
Нямеччына працягвае ліквідацыю хібаў энэргетычнай і гандлёвай палітыкі.
Канцлер Нямеччыны Олаф Шольц заявіў, што энэргетычная бяспека краіны на гэты зімовы сэзон «гарантаваная» на фоне энэргетычнага крызісу ў Еўропе, выкліканага вайной Расеі ва Украіне.
Пра гэта паведамляе CNN.
«Яна гарантаваная, бо нямецкі ўрад зрабіў смелы паварот у гэтым кірунку, і хатнія гаспадаркі ды кампаніі ва ўсёй краіне ашчаджаюць энэргію», - сказаў Шольц у Бундэстагу.
“Нічога не рабіць было б вельмі дорага. Менавіта таму мы ліквідуем хібы энэргетычнай і гандлёвай палітыкі, якая прывяла нас да аднастаронняй залежнасці ад Расеі і, у тым ліку, Кітая», - дадаў ён.
Шольц таксама адзначыў, што падзяляе з прэзідэнтам Францыі Эмануэлем Макронам мэту геапалітычнай Еўропы, якая "значна больш дзеяздольная".