У Аўстрыі масава страйкуюць чыгуначнікі

Страйк прывёў да прыпынення цягнікоў ва ўсёй краіне.

Чыгуначны рух у Аўстрыі спыніўся з паўночы, што паўплывала на 8 тысяч рэйсаў і амаль мільён пасажыраў, бо ў панядзелак рабочыя праводзяць 24-гадзінны страйк у рамках спрэчкі аб аплаце працы. Аб гэтым піша «Еўрапейская праўда» са спасылкай на Reuters.

Страйк закрануў транспарт на ўсіх узроўнях, ад грамадскага транспарту да рэгіянальных паслуг і начных цягнікоў далёкага накіравання, а таксама чыгуначных грузавых ліній.

Кіраўнік чыгуначнай сеткі краіны заявіў, што паслугі будуць больш-менш нармалізаваныя да наступнага дня.

- Я не хачу выключаць магчымасць парушэнняў у працы таго ці іншага цягніка, але агулам я чакаю, што з аўторка мы вернемся да абслугоўвання нашых кліентаў са звычайнай якасцю, - сказаў кіраўнік OeBB Андрэас Матэ.

Заціснутая паміж васьмю краінамі, уключаючы Італію, Нямеччыну, Швайцарыю, Вугоршчыну і Чэхію, Аўстрыя з'яўляецца важным цэнтрам еўрапейскіх чыгуначных перавозак.

Галоўны прафзвяз чыгуначнікаў заклікаў да падвышэння заробку на 400 еўраў для 50 тысяч працаўнікоў галіны. Ім прапануецца на 208 еўраў больш, плюс аднаразовая выплата ў суме 1000 еўраў.

Прафзвяз назваў панядзелак «папераджальнай забастоўкай» пасля таго, як у нядзелю праваліўся пяты раунд перамоваў.