Расейскі «Ланцэт» атакаваў гаўбіцу УСУ, але «пракалоўся» пры выбуху
4- 1.12.2022, 10:55
- 11,114
Цікавы бой адбыўся ў Херсонскай вобласці.
Байцы УСУ паказалі вынік патрапляння па гаўбіцы «Д-20» з расейскага беспілотніка «Ланцэт».
Пры гэтым пасля публікацыі відэа ў сацыяльных сетках карыстальнікі адзначылі, што прычыненая шкода артылерыйскай зброі з'яўляецца мінімальнай. Пра гэта таксама гавораць украінскія жаўнеры на відэа.
Інцыдэнт адбыўся раней у Херсонскай вобласці.
Вайскоўцы 59-й асобнай механізаванай брыгады паказалі, што ў выніку патрапляння адзіным наступствам стала спушчанае кола, іншых пашкоджанняў гаўбіца не атрымала.
A Russian modern kamikaze drone strikes a Ukrainian howitzer.
— Special Kherson Cat 🐈🇺🇦 (@bayraktar_1love) November 29, 2022
Ukrainian soldiers: Basically, change the wheel and it will work. pic.twitter.com/nOp9zMdQ4s
«Памяняць кола, і яна будзе працаваць. Вялікай шкоды яны не нанеслі нам», - распавёў баец.
У сацыяльных сетках адзначаюць: хаця колькасць удараў расейскіх «Ланцэтаў» павялічваецца, гэта не азначае, што Украіна страчвае больш тэхнікі.
«Жменька 1-3-кілаграмовых беспілотнікаў з выбухоўкай не можа кампенсаваць той факт, што Расея штодня выпускае на 40 000 артылерыйскіх набояў МЕНШЫХ, чым у ліпені. Акрамя таго, пашкоджанне часта лёгка рамантуецца», - каментуюць відэа OSINT-аналітыкі.