На беларускіх кароў адзенуць фітнэс-трэкеры

Навукоўцы спадзяюцца, што гэты гаджэт дапаможа павялічыць надоі малака.

Беларускія спецыялісты распрацавалі фітнес-трэкер для кароў. Пра гэта расказалі ў сюжэце на канале СТВ. На думку навукоўцаў гэты гаджэт дапаможа павялічыць аб'ёмы малака.

З дапамогай трэкера можна будзе ў кругласутачным рэжыме адсочваць актыўнасць кароў, спажыванне корму і нават тэмпературу цела.

Ужо на падставе гэтых звестак будуць распрацоўвацца персанальныя рэкамендацыі для кожнай жывёлы. Са слоў спецыялістаў падсілкоўваць гаджэт трэба будзе раз у шэсць гадоў.

Нагадаем, раней у Беларусі распрацавалі «ноў-хаў» для ўнясення гною.