МЗС Украіны патрабуе сустрэчы з Расеяй на працягу 48 гадзін
7- 13.02.2022, 20:57
- 10,274
Крэмль не патлумачыў вайсковую чыннасць на мяжы Украіны.
Расея не адказала на запыт Міністэрства замежных спраў Украіны растлумачыць сваю вайсковую чыннасць на мяжы згодна з Венскім дакументам. Цяпер МЗС склікае сустрэчу з удзелам РФ.
Аб гэтым заявіў міністр замежных спраў Дмытро Кулеба.
«Расея не адказала на наш запыт паводле Венскага дакумента. Мы робім наступны крок. Украіна склікае сустрэчу з РФ і ўсімі дзяржавамі-ўдзельніцамі на працягу наступных 48 гадзін для абмеркавання ўзмацнення і перасоўвання войскаў РФ уздоўж нашай мяжы і ў часова акупаваным Крыме», - напісаў ён у Twitter.
Росія не відповіла на наш запит за Віденським документом. Ми робимо наступний крок. Україна скликає зустріч з РФ та всіма державами-учасницями протягом наступних 48 годин для обговорення посилення та переміщення військ РФ уздовж нашого кордону та у тимчасово окупованому Криму 1/2
— Dmytro Kuleba (@DmytroKuleba) February 13, 2022
