ЗША паразілі ракетай танкер, які накіроўваўся ў Іран

Экіпаж праігнараваў папярэджанні.

ЗША ў аўторак, 2 чэрвеня, вывелі з ладу пусты нафтавы танкер, які накіроўваўся ў іранскі порт. У прыватнасці, амерыканскія войскі нанеслі ўдар па судне ракетай Hellfire.

Пра гэта паведамляе CNN са спасылкай на допіс Цэнтральнага камандавання ЗША (CENTCOM) у сацсетцы X.

Паводле заявы, судна M/T Lexie пад сцягам Батсваны рухалася «ў міжнародных водах у напрамку вострава Харг» (востраў размешчаны ў Персідскім заліве, і на ім апрацоўваюць да 90% іранскага экспарту нафты).

Аднак экіпаж праігнараваў папярэджанні і не выканаў загады ЗША аб увядзенні блакады суднаў, што накіроўваюцца ў іранскія парты і выходзяць з іх, і ў выніку — амерыканскія войскі нанеслі ўдар.

«У выніку амерыканскі самалёт вывёў судна з ладу, выпусціўшы ракету Hellfire ў машыннае аддзяленне, што перашкодзіла танкеру дасягнуць Ірана», — гаворыцца ў заяве Цэнтральнага камандавання ЗША.

CNN адзначае, што аналагічным чынам войскі ЗША вывелі з ладу судна, якое таксама накіроўвалася ў Іран мінулымі выхаднымі.

Таксама ў CENTCOM пішуць, што з пачатку блакады, распачатай у красавіку, з ладу былі выведзены 6 суднаў, а яшчэ 122 судны — перанакіраваныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com