У Луцку пасля авіяўдару з тэрыторыі Беларусі дагэтуль гарыць нафтабаза

Прадпрыемства тушылі ўсю ноч.

Нафтабазу ў Луцку пасля авіяўдару з боку Беларусі працягваюць тушыць дагэтуль, паведаміў гарадскі кіраўнік горада Ігар Палішчук, піша "Люстэрка тыдня. Украіна".

З ягоных слоў, пацярпелых няма. Аднак сама нафтабаза сур'ёзна пацярпела.

У ДСНС у сваю чаргу адзначылі, што 8:12 пажар удалося лакалізаваць. Цяпер праведзеная пенная атака і працягваецца ліквідацыя пажару.

Як паведаміў кіраўнік Валынскай абласной вайсковай адміністрацыі Юрый Пагуляйка ў эфіры агульнанацыянальнага тэлемарафону, расійская ракета, якая вечарам 27 сакавіка была выпушчаная па Луцку з Беларусі, патрапіла ў нафтабазу на ўскраіне горада.

Пагуляйка дадаў, што, нягледзячы на суседства з Беларуссю, якая дала сваю тэрыторыю для расейскіх войскаў, сітуацыя ў вобласці кантраляваная, і межы ў межах вобласці не парушаны.

Напярэдадні ў суботу войска РФ нанесла два ракетныя ўдары па Львове. У выніку ракетных удараў загарэлася нафтабаза і вайсковы аб'ект у жылым масіве горада. Паводле папярэдніх звестак, ніхто не загінуў.

Пазней стала вядома аб авіяўдары таксама па нафтабазе ў Дубна Ровенскай вобласці.