Зяленскі абмеркаваў з Байдэнам «сітуацыю на полі бою і за сталом перамоў»
2- 30.03.2022, 19:43
- 7,550
Гутарка доўжылася амаль гадзіну
Прэзідэнт Украіны Уладзімір Зяленскі правёў размову з прэзідэнтам ЗША Джо Байдэнам. Пра гэта ён напісаў у Twitter.
«Толькі што завяршыў гадзінную размову з прэзідэнтам Байдэнам. Падзяліўся ацэнкай сітуацыі на полі бою і за сталом перамоў. Гаварылі пра канкрэтную абаронную падтрымку, новы пакет узмоцненых санкцый, макрафінансавую і гуманітарную дапамогу», – паведаміў Зяленскі.
Щойно завершив годинну розмову з @POTUS. Поділився оцінкою ситуації на полі бою та за столом перемовин. Говорили про конкретну оборонну підтримку, новий пакет посилених санкцій, макрофінансову та гуманітарну допомогу.
— Володимир Зеленський (@ZelenskyyUa) March 30, 2022
У рэлізе, апублікаваным на сайце Белага дома, гаворыцца, што Байдэн гаварыў з Зяленскім пра «працяг працы ЗША, хаўруснікаў і партнёраў у аказанні вайсковай, эканамічнай і гуманітарнай дапамозе Украіне», а таксама па ўвядзенні санкцый супраць РФ за агрэсію супраць Украіны.
«Лідары абмеркавалі, як Злучаныя Штаты кругласутачна працуюць над выкананнем асноўных запытаў Украіны аб дапамозе ў сферы бяспекі, крытычны ўплыў, які гэта зброя аказала на канфлікт, і намаганні ЗША з хаўруснікамі і партнёрамі ў вызначэнні дадатковых магчымасцяў, каб дапамагчы ўкраінскім вайскоўцам абараніць сваю краіну «Акрамя таго, прэзідэнт Байдэн паведаміў прэзідэнту Зяленскаму, што Злучаныя Штаты маюць намер даць украінскаму ўраду $500 млн у выглядзе прамой бюджэтнай дапамогі», – гаворыцца ў рэлізе.
Зяленскі распавёў Байдэну пра перамовы з Расеяй, адзначылі ў Белым доме.
