Былую беларускую палітзняволеную Наталлю Хершэ прынялі ў швайцарскім парламенце

Швайцарцы падзякавалі беларуску за ўзор мужнасці.

Былую беларускую палітзняволеную Наталлю Хершэ прынялі ў швайцарскім парламенце, паведамляе «Наша Ніва».

«Вы баранілі свае каштоўнасці. Каштоўнасці, якія таксама нашы. Дзякуй, што паказалі нам, што такое мужнасць! — Напісала аб сустрэчы з Хершэ Ірэн Калін, старшыня Нацыянальнай рады.

Наталля Хершэ была вызваленая 18 лютага з магілёўскай турмы пасля 17 месяцаў зняволення ў лютым і адразу ж адпраўленая ў Швайцарыю, грамадзянкай якой яна з'яўляецца.