Пентагон раскрыў змест новага пакета вайсковай дапамогі Украіне
8- 21.04.2022, 20:14
- 11,794
Гаворка ідзе пра гаўбіцы, цягачы, беспілотнікі.
Міністэрства абароны ЗША раскрыла змест новага пакета вайсковай дапамогі Украіне. Гаворка ідзе пра гаўбіцы, набоі, цягачы, палявое абсталяванне, беспілотнікі і запасныя часткі.
Пра гэта паведамляе РБК-Украина са спасылкай на прэс-сакратара Пентагона Джона Кірбі.
З ягоных слоў, новая вайсковая дапамога Украіне выдзяляцца ў рамках абвешчанага прэзідэнтам ЗША Джо Байдэнам пакета на суму 800 млн даляраў. Яна будзе ўключаць у сябе:
155-мм гаўбіцы - 72 штукі;
72 тактычныя машыны для буксіроўкі гаўбіц;
144 тысячы набояў да гаўбіц;
121 тактычны беспілотнік Phoenix Ghost;
палявое абсталяванне і запасныя часткі.
Нагадаем, сёння, 21 красавіка, Байдэн абвясціў пра новы пакет вайсковай дапамогі Украіне на суму 800 млн даляраў.