У Албаніі аўтобус захрас паміж двух берагоў ракі

Яго прапануюць не прыбіраць і ператварыць у інсталяцыю.

29 красавіка ў сталіцы Албаніі Тыране пасажырскі аўтобус сутыкнуўся з аўтамабілем і з'ехаў з дарогі, у выніку захрас паміж двума берагамі ракі Лана.

Як пішуць мясцовыя СМІ, прычынай ДТЗ магло стаць перавышэнне хуткасці кіроўцы аўтобуса. У момант аварыі ён быў поўны пасажыраў. Загінулых няма, але некалькі чалавек пацярпелі.

Першапачаткова гарадскія службы збіраліся адразу ж прыбраць аўтобус, але многія людзі сталі прапаноўваць пакінуць яго над ракой і ператварыць у інсталяцыю. Напрыклад, зрабіць з яго альтэрнатыўны мост праз Лану, напісаў у твітары мэр Тыраны Эрыён Веліяй.

Мэр запусціў галасаванне ў сацсетцы, прапанаваўшы «Пакінуць, клапоцячыся ў будучыні пра яго» або «Прыбраць, паколькі ён псуе выгляд». Яшчэ адзін варыянт - для тых, хто хоча паглядзець вынік.