УСУ знішчылі танкавую калону акупантаў

І вялікую колькасць варожай пяхоты.

Байцы 47-й асобнай механізаванай брыгады Узброеных сіл Украіны спынілі варожы наступ, знішчыўшы бранятанкавую калону з дэсантам расейскіх акупантаў.

Пра гэта служба сувязяў з грамадскасцю падраздзялення паведаміла на сваёй старонцы ў сацыяльнай сетцы «Фэйсбук», апублікаваўшы адпаведнае відэа. Ролік змантажаваны з кадраў, знятых беспілотнымі лятальнымі апаратамі.

Аператары дронаў-камікадзэ са "Strike Drones Company" і "Ignis Vindicta" разам з артылерыстамі брыгады знішчылі тры танкі (танкавы ўзвод), баявую машыну пяхоты БМП-3, шматцэлевы лёгка браняваны цягач і вялікую колькасць варожай пяхоты.