Сябра Аўтуховіча: Мікалай быў своеасаблівым «бацькам горада» і меў павагу сярод прадпрымальнікаў у Ваўкавыску.

Абвінавачванні ўладаў - абсалютна абсурдныя.

У Гарадзенскай турме №1 працягваецца судовы працэс над 12 беларусамі, якіх следчыя аб'ядналі ў так званую групу Аўтуховіча і абвінавачваюць у тэрарызме. Максім Сямёнаў, сябар палітвязня Мікалая Аўтуховіча, распавёў у жывым эфіры «Белсату» пра стаўленне да абвінавачання.

Мікалай Сямёнаў паведаміў, што ягонае сяброўства з Аўтуховічам пачалося пасля апошняга палітычнага зняволення апошняга.

Калі пачаліся акцыі ў 20-м годзе, мы бачыліся амаль кожны дзень і планавалі, як актывізаваць мясцовых прадпрымальнікаў для пратэстаў. Мы паднімалі сцягі ўздоўж трасы Менск-Заслаўе. Ездзілі на маршы», - кажа Сямёнаў.

Мужчына пракаментаваў дзяржаўнае абвінавачанне. Ён уважае, што Аўтуховіч з'яўляецца дасведчаным вайскоўцам і ні раз казаў, што малая група з некалькіх чалавек не можа супрацьстаяць вялізнай сілавой машыне.

«Мікалай - рамантык. Служыў у Афганістане добраахвотнікам. Пра сілавое ўздзеянне ён казаў толькі пра шырокія масы, якія маглі б абараняцца ад беззаконня на маршах», – адзначыў Сямёнаў.

Мужчына дадаў, што ў Аўтуховіча быў вялікі аўтарытэт у Ваўкавыску. Са слоў Сямёнава, ён быў своеасаблівым «бацькам горада» і меў павагу сярод прадпрымальнікаў. Ён шмат размаўляў і выязджаў на рынкі. Казаў, што ёсць патэнцыял для змен. Са слоў Сямёнава, Аўтуховіч не раз казаў, што зараз не 40-ы год, калі можна было хавацца са зброяй у лесе.

У той жа момант Сямёнаў дадаў, што ў 90-ыя гады многія бізнэсоўцы мелі зброю, бо былыя спартоўцы і крымінальнікі тэрарызавалі бізнэс.

«Былі схроны ў крымінальных банд, але цяпер многія з іх знаходзяцца ў сілавых структурах», - дадаў Сямёнаў.

Такім чынам, Сямёнаў выказаў упэўненасць ў абсурднасці дзяржаўнага абвінавачання.