Як зменяцца курсы еўра і даляра ў Беларусі на гэтым тыдні?

Прагноз аналітыкаў.

Нягледзячы на высокі градус чакання, курс расейскага рубля да даляра ЗША і еўра застаецца на пяцігадовых максімумах. Менавіта гэты фактар прывёў да абнаўлення гістарычнага максімуму расейскай валюты і на беларускім валютным рынку. Разбіраемся, чаму так адбываецца, і якія курсавыя перспектывы гэтага тыдня, піша myfin.by.

У пятніцу, 20 траўня, на таргах валютнай секцыі БВФБ курс пары RUBBYN паднімаўся ў моманце да RUBBYN 4,2795, але паводле выніку таргоў зафіксаваўся на адзнацы RUBBYN 4,1892 за 100 расейскіх.

На таргах Масбіржы ў тую ж пятніцу курс расейскага рубля да даляра ЗША апускаўся да мінімуму з 2017 года ў USDRUB 57,075. Праўда, да закрыцця гандлёвай сесіі, курс даляра вярнуўся да адзнакі крыху вышэй за 60,00.

Прычына такога ўмацавання расейскага рубля застаецца ранейшай - перавышэнне прапановы замежнай валюты над попытам праз адміністрацыйныя меры рэгулявання. Расейскі экспарт расце, імпарт скараціўся амаль на 70%, экспарцёры прадаюць 80% валютнага даходу на таргах.

А тыдзень, які пачынаецца - гэта перыяд падатковых выплат. Але, хутчэй за ўсё, буйныя падаткаплацельшчыкі ўжо ўлічылі гэты фактар, таму далейшае ўмацаванне рубля малаверагоднае.

У валютнай пары EURUSD на мінулым тыдні адбыўся некаторы разварот. Курс вырас да EURUSD 1,0562 да закрыцця тыдня, а ў моманце пара паднімалася да EURUSD 1,6017. Індэкс даляра DXY апусціўся да ўзроўню 103 пункта, мінімальнае значэнне індэкса на мінулым тыдні дасягала адзнакі 102,740.

Чакаем даляр па 2,5?

На беларускім валютным рынку гэтыя фактары прывялі да рэзкага ўмацавання расейскага рубля і падзення курса даляра ЗША у параўнанні з еўра.

За мінулы тыдзень пара USDBYN знізілася на -0,82%, да пачатку года ўмацаванне беларускага рубля да даляра складае 2,66%. Пара USDBYN закрыла тыдзень на адзнацы ў USDBYN 2,4804 пры аб'ёме таргоў у пятніцу ў 40,073 млн. даляраў.

Курс еўра таксама за тыдзень застаўся амаль без змен, пара EURBYN вырасла на 0,27% (да пачатку года зніжэнне застаецца 9, 54%). Паводле вынікаў таргоў у пятніцу курс спыніўся на EURBYN 2,6075, хаця на працягу тыдня пара EURBYN паднімалася да EURBYN 2,6487.

На існым тыдні можна чакаць умацавання еўра ў дачыненні да даляра ЗША і рост пары EURBYN да 2,6200 - 2,6500.

Расейскі рубель можа скарэктавацца ад максімуму, але курс рубля хутчэй за ўсё застанецца вышэйшым RUBBYN 4,1000.

Даляр ЗША таксама можа вярнуцца да адзнакі ў USDBYN 2,5000-2,5200.