У Кіеве выставілі знішчаную вайсковую тэхніку расейскіх акупантаў
1- 23.05.2022, 14:27
- 6,538
Выстава на Міхайлаўскай плошчы будзе працаваць мінімум цягам месяца.
На Міхайлаўскай плошчы ў Кіеве 21 траўня 2022 адкрылася выстава знішчанай расейскай вайсковай тэхнікі, прывезенай з Гастомеля Кіеўскай вобласці. Фотакарэспандэнт «Уніян» пабываў на адкрыцці выставы.
З першага дня выстава сабрала нямала наведвальнікаў. Тут ёсць танк, некалькі браняваных аўтамабіляў і яшчэ адзін экспанат, праз якогі жыхары Бучанскага раёна нацярпеліся шмат гора - савецкая станцыя перашкод радыёпадрыўнікам боепрыпасаў «Ртуць-Б» (СПР-2). Менавіта гэтая прылада блакавала сувязь у Бучы і іншых гарадах Кіеўскай вобласці.
Прадэманстраваная не толькі вайсковая тэхніка, але і рэчы расейскіх акупантаў, таму можна дакладна даведацца, адкуль яны прыйшлі.
Прапанаваў ідэю выставы Нацыянальны вайскова-гістарычны музей Украіны, а падтрымку яму ў гэтым надалі розныя ўстановы і неабыякавыя грамадзяне.
Арганізатары гавораць, што выстава будзе працаваць тут як мінімум цягам месяца.