Шольц: Гарантый, што Расея не ўварвецца ў іншую краіну, няма
16- 3.05.2022, 21:43
- 11,590
З ягоных слоў, Еўропа ўспрымала як дадзенасць, што межы не будуць перакройвацца сілай.
Цяпер няма ніякіх гарантый, што Расея не ўварвецца ў іншую краіну пасля нападу на Украіну.
Такую заяву зрабіў канцлер Нямеччыны Олаф Шольц, выступаючы разам са сваімі шведскім і фінскім калегамі на прэс-канферэнцыі, паведамляе УНИАН са спасылкай на Reuters.
Са слоў Шольца, у апошнія дзесяцігоддзі Еўропа прымала за дадзенасць, што межы «больш не будуць перамяшчацца сілай і што неабходна паважаць суверэнітэт дзяржаў». Расея парушыла гэты статус-кво, і таму ніхто не можа сцвярджаць, што расейскі прэзідэнт Уладзімір Пуцін не зробіць такога яшчэ раз, заявіў нямецкі лідар.
«Вось чаму мы адначасова наважылі, што будзем пашыраць нашы абаронныя намаганні», - дадаў ён, спаслаўшыся на павелічэнне фінансавання Нямеччынай сваіх узброеных сіл і пастанову выдзеліць 2 працэнты свайго ВУП на расходы на абарону. Ён таксама заявіў пра падтрымку Нямеччынай прыняцця Фінляндыі і Швецыі ў NATO.
«Для нас відавочна, што калі гэтыя дзве краіны наважаць, што жадаюць быць часткай NATO, яны могуць разлічваць на нашу падтрымку», - адзначыў ён.