13 чэрвеня 2024, Чацвер, 22:32
Падтрымайце
сайт
Сім сім,
Хартыя 97!
Рубрыкі

У Косаве цалкам забаранілі сербскія дынары

3
У Косаве цалкам забаранілі сербскія дынары

Цяпер усе грашовыя аперацыі павінны ажыццяўляцца ў еўрах.

У Косаве закончыўся пераходны перыяд, цягам якога трэба было цалкам адмовіцца ад выкарыстання сербскага дынара. Цяпер усе грашовыя аперацыі павінны ажыццяўляцца ў еўрах, піша газета Politika са спасылкай на эфір тэлеканала RTK.

Забарона на выкарыстанне дынараў у Косава пачала дзеянне 1 лютага. Потым урад заклікаў Цэнтрабанк Косава даць грамадзянам, якія выкарыстоўваюць дынары, пераходны перыяд да 12 траўня, каб адаптавацца да новых правілаў.

У гэты перыяд карныя захады не ўжываліся, але грамадзяне былі праінфармаваныя пра новае рэгуляванне грашовых выплатаў, адзначае газета. Камерцыйным банкам, якія працуюць у Косава, было даручана адкрыць новыя філіялы на поўначы – там жывуць пераважна сербы.

У Прышціне абвясцілі, што пачнуць ужываць захады супраць усіх, хто выкарыстоўвае для разлікаў у Косава валюту, адрозную ад еўраў, піша Politika. У пастанове Цэнтрабанка дзяржавы гаворыцца, што грамадзянам не забаронена выкарыстоўваць іншыя валюты для захавання сродкаў гатоўкай або на банкаўскіх рахунках, а таксама для здзяйснення міжнародных плацяжоў.

Напісаць каментар 3

Таксама сачыце за акаўнтамі Charter97.org у сацыяльных сетках