У цэнтры Менска 6 і 7 траўня абмяжуюць рух транспарту
12- 4.05.2022, 19:52
- 6,090
Для рэпетыцыі парада.
У сувязі з падрыхтоўкай да правядзення святочных мерапрыемстваў, прымеркаваных да Дня Перамогі, у цэнтры сталіцы будзе часткова перакрыты рух транспартных сродкаў 6 і 7 траўня, паведамляе агенцтва «Минск-Новости».
Так, 6 траўня рух транспарту будзе месцамі абмежаваны ў раёне плошчы Перамогі з 11.00 да 12.00 на час праходжання роты ганаровай варты.
7 траўня з 11.00 да 12.00 рух закрыюць на ўчастку праспекта Незалежнасці ад Кастрычніцкай плошчы да плошчы Перамогі.