Дзе ператнуць дарогі ў панядзелак у Менску?

Адрасы і карта.

9 траўня ў цэнтры Менска часова абмяжуюць рух аўтамабільнага транспарту, паведамляе ДАІ і публікуе графік і адрасы перакрыццяў.

Так, 9 траўня з 6.30 і да заканчэння святочных мерапрыемстваў, якія праводзяцца ў першай палове дня на плошчы Перамогі, уводзіцца часовае абмежаванне руху транспарту, за выключэннем грамадскага, на праспекце Незалежнасці ад вуліцы Камсамольскай да праспекта Машэрава. Грамадскі транспарт на ўказаным участку будзе рухацца без прыпынкаў.

З 08.30 рух усіх тыпаў транспарту поўнасцю закрыюць на адцінках:

пр. Незалежнасці - ад вул. Камсамольскай да праспекта Машэрава;

вул. Камуністычнай - ад вул. Чырвонай да мясцовага праезду плошчы Перамогі;

вул. Кісілёва - ад вул. Чырвонай да плошчы Перамогі;

мясцовы праезд - ад вуліцы Камуністычнай да вуліцы Кісілёва;

вул. Фрунзэ - ад мясцовага праезду плошчу Перамогі да вул. Першамайскай;

вул. Захарава - ад пл. Перамогі да вул. Першамайскай;

мясцовы праезд - ад вул. Захарава да вул. Фрунзэ.

З 18.00 на адцінку праспекта Незалежнасці ад вуліцы Янкі Купалы да праспекта Машэрава, а таксама на вуліцах Кісялёва і Захарава, вул. Фрунзэ - ад мясцовага праезду пл. Перамогі да вул. Першамайскай зноў закрыюць рух асабістага аўтатранспарту, а з 19.00 - і грамадскага да заканчэння мерапрыемстваў (прыблізна апоўначы).