Новыя санкцыі ЗША закрануць памагатых рэжыму Лукашэнкі
1- 8.05.2022, 20:24
- 11,902
Белы дом уводзіць новыя абмежаванні.
Вашынгтон уводзіць санкцыі ў дачыненні да расейскіх эліт і іх семейнікаў, а таксама візавыя абмежаванні для расейскіх і беларускіх службовых асоб. «Злучаныя Штаты ўвялі амаль 2600 візавых абмежаванняў для расейскіх і беларускіх афіцыйных асоб у адказ на іх бесперапынныя спробы падарваць суверэнітэт, тэрытарыяльную цэласнасць або палітычную незалежнасць Украіны», — гаворыцца на сайце Белага дома.
ЗША таксама ўводзіць санкцыі на восем кіраўнікоў «Ашчадбанка», дваццаць сем топаў «Газпрамбанка», а таксама на «Маскоўскі індустрыяльны банк» і яго дзесяць даччыных кампаній.
Пад амерыканскія санкцыі таксама трапілі тры расейскія прапагандысцкія тэлеканалы — «Россия 1», Першы канал і НТВ.