Удзельніка стачкі «Нафтана» знайшлі павешаным
26- 1.06.2022, 20:50
- 30,712
За тыдзень да гэтага яго затрымлівалі сілавікі.
30 траўня пайшоў з жыцця Уладзімір Крысёнак, аператар 6-га разраду вытворчасці №3 ААТ "Нафтан". Яго знайшлі дома павешаным, піша “Вясна”.
Уладзімір далучыўся да агульнанацыянальнай стачкі восенню 2020 года. Ён быў кандыдатам на пасаду старшыні Беларускага Незалежнага прафзвязу супрацоўнікаў "Нафтан" у 2021 годзе.
24 траўня Уладзімір быў затрыманы прадстаўнікамі сілавых структур (меркавана, ГУБАЗіку) і праз 72 гадзіны выпушчаны пад падпіску аб нявыездзе.
Як мяркуюць знаёмыя Уладзіміра, прычынай затрымання магла паслужыць актывізацыя розных сілавых структур пасля нядаўняй публікацыі ў СМІ відэа, якое паказвае бездапаможны тэхнічны стан усталёўкі, на якой калісьці працаваў Уладзімір.
Вядома, што сілавікі пагражалі яму 12 гадамі зняволення.
Сёння Уладзіміра пахавалі.