Колькі трускалак карысна з'ядаць і як зразумець, што ягады без нітратаў?

Трускалкі - сапраўдная ежа багоў.

Трускалкі, нягледзячы на карысць, не найлепшы прадукт для пахудзення і дыэтычнага харчавання. Важна не пераядаць іх і ведаць пра хімікаты, якімі "кормяць" сэзонныя ягады, піша healthinfo.ua.

Трускалкі - вядомая і шмат кім падабаная ежа: гэтыя ягады багатыя на карысныя рэчывы, а пасярод ягаднага сэзону шмат хто пільнуецца трускалкавай дыэты. Але з дыэтамі ў цэлым, пагатоў трускалкавай, варта быць вельмі асцярожнымі.

Чаму трускалкі - не найлепшы прадукт для пахудзення, каму не варта есці гэтыя ягады, як правільна выбраць трускалкі і колькі іх есці без шкоды для здароўя - расказаў лекар-дыетолаг, лекар спартовай медыцыны і лекар-алерголаг Аляксандр Кушч.

Ці сапраўды трускалкі такія карысная, асабліва для пахудзення?

Як і ўсякі раслінны прадукт, трускалкі змяшчаюць харчовыя валокны, гэта значыць абалоніну. А без абалоніны наш кішачнік не будзе нармальна функцыянаваць. Таксама трускалкі - крыніца каратыноідаў: гэтыя раслінныя пігменты граюць ролю антыаксідантаў, якія дапамагаюць арганізму даваць рады наступствам акісляльнага стрэсу.

Безумоўна, трускалкі карысныя, але гэта дастаткова каларыйны прадукт, і праблемы з лішняй вагой за кошт гэтых ягад лепш не развязваць. Пагатоў пільнавацца трускалкавай монадыэты. Такі тып дыэты мае на ўвазе ўжыванне аднаго прадукту на працягу некалькіх дзён. Прычым колькасць гэтага самага прадукту таксама абмяжоўваецца: уласна, монадыэту шмат хто параўноўваюць з працяглымі санітарнымі днямі.

Монадыэта небяспечная тым, што сілкаванне аднымі трускалкамі не забяспечыць поўнага набору ў рацыёне чалавека ўсіх неабходных яму рэчываў

Наогул перыяд сэзоннай гародніны, садавіны і ягад і добры, і небяспечны: добра, што мноства карысных прадуктаў становяцца больш даступнымі. А не вельмі добра, што людзі, жадаючы схуднець, садзяцца на розныя "сезонныя дыэты" - агурковую, кавуновую, трускалкавую.

Але моцнае абмежаванне прадуктаў небяспечнае для арганізма: харчаванне аднымі трускалкамі не забяспечыць поўнага набору ў рацыёне чалавека ўсіх неабходных яму для звычайнага функцыянавання рэчываў. У выніку арганізм атрымае стрэс, абменныя працэсы парушацца і замест тлушчу найперш сыдзе цяглічная маса.

Такое пахудзенне не карыснае: худнець з карысцю трэба, абмяжоўваючы калорыі (але разам з тым не парушаючы баланс карысных і патрэбных рэчываў) і больш старанна дабіраючы прадукты, выключаючы фастфуд, а таксама станавіцца больш фізічна актыўнымі. А не моцна абмяжоўваючы сябе ў ежы. Да таго ж трускалкі змяшчаюць фруктозу – прыродны цукар, ён здрадны тым, што павялічвае рызыку вісцаральнага атлусцення.

Трускалкі яшчэ вядомыя як алерген: каму не варта есці гэтыя ягады?

Трускалкі могуць быць проціпаказаная праз кіслыя кампаненты гэтых ягад ды іх алергічных уласцівасцяў. Таму маленькім дзецям, людзям, схільным да харчовай алергіі, а таксама пры гастрытах, язвавай хваробе, сіндроме раздражнёнага кішачніка ды іншых праблемах з органамі стрававання, трускалкі проціпаказаныя.

Трускалкі проціпаказаная пры хваробах стрававання, алергіі ды маленькім дзецям

Чым больш трускалак чалавек з'ядае, тым большая колькасць костачак гэтай ягады трапляе ў страўнік і кішачнік, траўмуючы слізістую абалонку. Таксама важна старанна мыць ягады, каб унікнуць кішачнай інфекцыі.

А ў якім выглядзе трускалкі больш карысныя і колькі можна іх есці за дзень?

Трускалкі больш карысныя ў суравым выглядзе, так улетку іх збольшага і ядуць: хоць існуе мноства дэсэртаў, джэмаў ды іншых страў з тэрмічна апрацаванымі або, наадварот, замарожанымі трускалкамі.

Што да колькасці, якую можна з'ядаць з карысцю для здароўя: дзённая норма ўжывання садавіны, у тым ліку і ягад - 300-400 грамаў. Трускалкі, як і іншыя ягады або садавіна, прынясе карысць, калі пільнаваць меру ва ўжыванні гэтых прадуктаў. Як ужо сказана, дзеля ўжывання трускалак у суравым выглядзе ўзрастае рызыка атрымаць кішачнае атручванне.

Трускалкі больш карысныя ў суравым выглядзе, так улетку іх збольшага і ядуць

Таму ягады пры куплі важна старанна выбіраць, а дома, перад ужываннем, - апрацоўваць. Тэрмічная апрацоўка, з аднаго боку, разбурае некаторыя пажыўныя рэчывы, а некаторыя, наадварот, - вызваляе; а з іншага боку, спрыяе раскіданню нітратаў.

А як унікнуць нітратных трускалак і як правільна выбіраць ягады?

У трускалках, як і іншай сэзоннай садавіне або ягадах, вызначыць вокам колькасць нітратаў, пестыцыдаў або ншых хімічных рэчываў немагчыма. І ў выпадку куплі ягад у большай ступені ўсё залежыць ад прыстойнасці фермераў, якія выгадавалі іх. Вызначыць жа колькасць нітратаў можна з дапамогай прылады нітратамеру або экспрэс-тэстаў (спецыяльных лакмусавых паперак).

Вызначыць, з нітратамі трускалкі або не, з вонкавага выгляду нельга

Такія тэст-палоскі прыкладваюцца да раздушанай ягады або разрэзанай напалову. Літаральна праз пару хвілін можна параўнаць колер паперы з узорамі афарбовак кантрольнай шкалы (там паказана, які колер адпавядае нормам змяшчэння нітратаў і наадварот). Іншае пытанне, ці ўсё прадаўцы на рынку дазволяць правяраць свае трускалкі такім чынам.

Дакладней за ўсё вызначыць нітраты, пестыцыды ды іншыя ядахімікаты ў гародніне і садавіне можна толькі ў спецыяльнай лабараторыі.

Выбіраць трускалкі праз пах або спеласць, спадзеючыся, што ў такіх ягадах няма нітратаў альбо пестыцыдаў, гэта вельмі суб'ектыўная ацэнка. Моцны і прыемны водар кажа пра тое, што трускалкі саспелыя, а не пра тое, што добрыя.

І вядома, ягады варта выбіраць толькі максімальна саспелыя, без няспеласці, не пашкоджаныя, не запэцканыя ў зямлі: так іх лягчэй будзе прамыць, апрацаваць і ўнікнуць кішачных інфекцый або атручвання няспелымі пладамі.