Заўтра ў Беларусі чакаецца да +36°С

Прагноз надвор'я на 28-30 чэрвеня.

28 чэрвеня надвор'е ў краіне будзе вызначаць у асноўным вобласць павышанага атмасфернага ціску, сфармаваная ў вельмі цёплай паветранай масе, толькі ўдзень на паўночным усходзе адаб'ецца ўплыў малаактыўнага атмасфернага фронту, піша pogoda.by.

Чакаецца пераменная воблачнасць. Уначы без ападкаў. Удзень месцамі, пераважна на паўночным усходзе кароткачасовыя дажджы, навальніцы. Вецер няўстойлівы слабы да сярэдняга, удзень пры навальніцах парывісты. Тэмпература паветра мінімальная ўначы +15..+21°С, максімальная ўдзень +29..+34°С, месцамі на поўдні да +36°С.

29 чэрвеня варункі надвор'я будзе вызначаць атмасферны фронт, які перамяшчаецца з Фінскай затокі. Чакаецца воблачнае з прасвятленнямі надвор'е. Уначы пераважна ў паўночна-ўсходняй палове, раніцай і ўдзень на большай частцы тэрыторыі рэспублікі пройдуць кароткачасовыя дажджы. Месцамі навальніцы. Вецер усходняй чвэрці сярэдні, пры навальніцах парывісты. Тэмпература паветра ўначы +17..+22°С, удзень ад +24°С на паўночным усходзе да +34°С на паўднёвым захадзе краіны, месцамі ў Берасцейскай вобласці +35..+36°С.

30 чэрвеня ўначы захаваецца ўплыў франтальнага падзелу, які страчвае актыўнасць, удзень рэспубліка апынецца ў галіне павышанага атмасфернага ціску. Уначы ў асобных раёнах магчымыя кароткачасовыя дажджы, удзень пераважна без ападкаў. Вецер усходняй чвэрці сярэдні. Тэмпература паветра ўначы +14..+21°С, удзень ад +26°С на паўночным усходзе да +34°С на паўднёвым захадзе краіны.