Уцёкі РФ з вострава Змяіны: У Пентагоне расказалі пра ўдар УСУ «Гарпунамі»

Пасля вызвалення вострава Украіне стала нашмат лягчэй абараняць Адэсу.

У Пентагоне пацвердзілі адступленне расейцаў з вострава Змяіны ў Чорным моры з прычыны прафесійных абстрэлаў з боку УСУ.

Як заявіў высокапастаўлены чыноўнік Міністэрства абароны ЗША, адказваючы на пытанні прэсы Пентагона датычна Расеі і Украіны, МА ЗША не верыць, што Расеі можна давяраць, кажучы, што яе адступленне з вострава Змяіны было жэстам добрай волі.

"Мы разглядаем гэтую падзею як тое, што ўкраінцы вельмі паспяхова стварылі значны ціск на расейцаў, у тым ліку з дапамогай ракетаў Гарпун, якія яны нядаўна набылі, для нападу на карабель забеспячэння. Калі вы разумееце, наколькі бясплодны і пустынны востраў Змяіны, вы разумееце важнасць. Такім чынам украінцы вельмі ўскладнілі расейцам магчымасць падтрымліваць там свае аперацыі [і] зрабілі іх вельмі ўразлівымі для ўкраінскіх удараў. Таму, вядома ж, Расея пакінула востраў", – сказаў ён.

Ён падкрэсліў, што ў выніку Украіне стала нашмат лягчэй абараняць Адэсу і ў будучыні мець магчымасць адкрыць гэтыя марскія шляхі без кантролю Расеі над востравам Змяіны.

Паводле словаў чыноўніка, дзякуючы нядаўнім пастаўкам высокамабільных артылерыйскіх ракетных сістэмаў з ЗША, украінскія сілы дамагліся добрых поспехаў у выкарыстанні гэтых артылерыйскіх сістэмаў большай далёкасці, у тым ліку для паразы расейскіх камандных пунктаў.

Сітуацыя на Змяіным

Раней у Аператыўным камандаванні Поўдзень 30 чэрвеня заявілі, што войскі Расеі выйшлі са Змяінага пасля неаднаразовых удараў з боку УСУ па іх пазіцыях на акупаваным востраве. Вораг вымушаны быў спешна эвакуявацца на двух хуткасных катарах.

Галоўны камандзір украінскім войскам Валерый Залужны пацвердзіў звесткі, што расейскія акупанты пакінулі Змяіны. Военачальнік апублікаваў відэа ўдараў па войсках РФ на востраве.

У Мінабароны РФ "арыгінальна" растлумачылі выхад сваіх войскаў са Змяінага. Маўляў, гэта жэст добрай волі.