Паляванне на «вагнераўцаў»: выжывуць адзінкі

Што адбываецца з «элітнымі» наймітамі ва Украіне.

Шэрагі расейскай так званай прыватнай вайсковай кампаніт «Вагнер» («Ліга»), кантралляванай ГРУ, за апошнія дні яшчэ больш парадзелі. Як высветлілася, досвед «працы» ў гарачых мясцінах наймітам не асабліва дапамог, а з HIMARS цягацца бескарысна. Па краі ўжо ходзіць і куратар «музыкаў» Яўген Прыгожын, які раней стараўся больш трымацца ў цені.

Больш падрабязна аб тым, што змянілася і чаму шанцы выжыць у «вагнераўцаў» сталі імкнуцца да нуля - чытайце ў матэрыяле OBOZREVATEL.

«Музыкі» ператварыліся ў «аркестр Кабзона»

За час поўнамаштабнага ўварвання Расеі ва Украіну ПВК «Вагнер» панесла вялікія страты. Як прызнаюць у асяроддзі наймітаў, такой колькасці «двухсотых» не было ні ў адной «місіі» ў іншых гарачых мясцінах свету.

Першым халодным душам для «вагнераўцаў» былі баі ў Кіеўскай вобласці, аднак самыя сур'ёзныя страты адбыліся ўсё ж на Данбасе.

З аўдыёперахопаў СБУ і інфармацыі Галоўнай управы выведкі МА стала вядома аб гібелі «элітных» наймітаў, якія да гэтага прайшлі Сірыю. Але, як яны самі раней прызнаваліся, тыя «выправы» былі кветачкамі.

Са з'яўленнем ва УСУ новага, высокадакладнага ўзбраення жыццё расейскіх акупантаў і зусім ператварылася ў пекла. За ювелірнай працай украінскіх абаронцаў па складах боепрыпасаў і збоі вайсковай тэхнікі супраціўнікаў цяпер назірае ўвесь свет. Аднак адной з важных мэт для знішчэння вядома ж з'яўляецца і «жывая сіла».

«Вагнераўцы» ужо здзейснілі ва Украіне мноства ваенных злачынстваў і спыніць іх - азначае прадухіліць новыя. Адным з такіх поспехаў стала аперацыя ліквідацыі базы наймітаў у акупаванай Папаснай (Луганская вобласць). Удары (меркавана з HIMARS) адправілі на той свет вялікую колькасць разняволеных «вагнераўцаў».

Асабістую інфармацыю наймітаў заўсёды старанна хаваюць, як і дакладную колькасць страт. Аднак 16 жніўня ў сетку трапілі звесткі аб гібелі ў Папаснай расійскага прапагандыста, адміна буйнога Telegram-канала «вагнераўцаў» з пазыўным «Белы» («500»). Па ім акупанты ўчынілі сапраўдны плач.

З інфармацыі крыніц OBOZREVATEL, «Белы» быў добра вядомы ў асяроддзі наймітаў і сам прымаў удзел у вайне супраць украінцаў. Аднак яго шлях ганебна скончыўся.

Многія спадзяваліся, што сярод «грузаў 200» апынецца і «куратар» ПВК Яўген Прыгожын, але ён раптоўна «ажыў».

Прыгожын на «расцяжцы»

Тое, што Прыгожын за некалькі дзён да знішчэння базы «вагнераўцаў» у Папаснай засвяціўся на ёй (на фота расейскага прапагандыста), адразу ж выклікала шмат чутак і здагадак.

У тое, што асцярожны і д'ябальскі хітры бізнэсовец мог дапусціць памылку і рызыкаваць уласным жыццём, верылася з цяжкасцю. Аднак на фота вайсковага карэспандэнта РІА ФАН (якое, дарэчы, належыць Прыгожыну) «кухар Пуціна» відавочна пазуе. Прычым на іншых здымках добра відаць будынак і шыльда на ім - гэта значыць, месцазнаходжанне можна «прабіць» за пару хвілін.

У тым, што «кухар Пуціна» застанецца жывы - практычна не было сумневаў. Сапраўды, недарэчна было меркаваць, што Прыгожын застанецца ў засвечаным месцы пасля нашумелай публікацыі. Пытанне толькі ў тым, для чаго арганізавалі такі «засвет»?

Суразмоўцы OBOZREVATEL у спецслужбах мяркуюць, што «куратар» ПВК планаваў інсцэніраваць сваю смерць. На думку афіцэра, на гэта ў «кухара» былі прычыны.

Напярэдадні поўнамаштабнага ўварвання РФ Яўген Прыгожын быў у вельмі напружаных стаунках з кіраўніцтвам РФ: у тым ліку і з міністрам абароны Шайгу, і з адміністрацыяй прэзідэнта. Але адпраўка «вагнераўцаў» ва Украіну крыху знізіла напал - праўда, на час.

Новы званочак для Прыгожына прагучаў у сярэдзіне ліпеня, калі расейскі суд арыштаваў вядучых некалькіх Telegram-каналаў, у тым ліку падкантрольных асабіста «кухару» - прычым за атрыманне заказаў з Украіны і шантаж.

Улічваючы, што ў РФ толькі за слова «мір» могуць кінуць у турму, то кантакты з украінцамі, не кажучы ўжо аб «працы» на іх, і зусім разгледзяць як здраду. Менавіта пасля гэтай «падставы» Прыгожын кінуўся ў новае турнэ па расейскіх калоніях вербаваць наймітаў у ПВК - чарговы раз даводзячы Пуціну сваю адданасць.

Яшчэ адно «прывітанне» мільярдэру 28 ліпеня 2022 года перадаў ужо Дзярждэпартамент ЗША: знешнепалітычнае ведамства прапанавала 10 млн даляраў за інфармацыю, якая дазволіць выявіць умяшанне ў выбары ў Штатах.

Амерыканцам патрэбны звесткі, якія дазваляюць ідэнтыфікаваць ці ўсталяваць месцазнаходжанне замежных фізічных ці юрыдычных асоб, якія ўдзельнічаюць або ўдзельнічалі ва ўмяшанні ў выбары, а таксама інфармацыя, якая дазваляе прадухіліць такое ўмяшанне.

У Дзярждэпе зрабілі акцэнт на асаблівую цікавасць якраз да Яўгена Прыгожына і яго «Агенцтва інтэрнэт-даследаванняў» (IRA).

«Сказаць, што Прыгожын спалохаўся - наўрад ці, але прыняў меры засцярогі. На час выехаў з Расеі на акупаваную частку Данбаса каб «гераічна загінуць», але інсцэніроўку спынілі ў апошні момант. З якой менавіта прычыны - пакуль невядома», - сцвярджае крыніца.

Як бы там ні было, у Расеі ўсё часцей гавораць аб тым, што «войска Прыгожына» стала сілай, якую могуць выкарыстаць у дзяржаўным перавароце – а вось гэтага Пуцін баіцца больш за ўсё. Так што неўзабаве «кухару» расслабляцца сапраўды не давядзецца, як і яго «вагнераўцам».