Палітолаг: У ЗША ёсць кім замяніць Пуціна
9- 17.08.2022, 15:47
- 17,072
![Палітолаг: У ЗША ёсць кім замяніць Пуціна](https://i.c97.org/ai/405220/aux-head-1608877467-20201225_congress_360.jpg)
Захад зразумеў, што не жадае бачыць кіраўніком РФ вайскоўца.
Палітолаг Мікалай Давідзюк мяркуе, што ў ЗША дастаткова кандыдатаў на пасаду прэзідэнта Расейскай Федэрацыі пасля адыходу ад улады дыктатара Уладзіміра Пуціна.
«У Штатах лава запасных, хто можа стаць [кіраўніком Расеі] замест Пуціна больш, чым у Пуціна шэраг запасных сваіх пераемнікаў», — адзначыў Давыдзюк у эфіры «Радыё НВ» у каментары меркавання аб тым, што ў ЗША не спяшаюцца прызнаць Пуціна вайсковым злачынцам, а Расею - краінай спонсарам тэрарызму, бо ў Вашынгтоне асцерагаюцца прыходу больш крывавага дыктатара.
На думку палітолага, Захад зразумеў, што не хоча бачыць кіраўніком РФ вайскоўца: «Гэта тая сумесь, якая дае вельмі нечаканыя і негатыўныя вынікі».
Таксама Давідзюк перакананы, што Расея ўжо саступіла ў вайне супраць Украіны.
«Колькасць санкцый, накладзеных на іх, не тое, што расейцаў спалохала. Яна Кітай спалохала. Штаты сёння, паклаўшы Расею на лапаткі, ужо палохаюць Кітай, што і з імі можа быць аналагічная гісторыя. Расея стала ролевай мадэллю пакарання Кітая за магчымы напад на Тайвань», - растлумачыў палітолаг.