Эканамісты: Улады прыніжаюць статыстыку падзення ВУП

Рэальнае падзенне значна глыбейшае.

Падзенне эканомікі за студзень – ліпень склала 5,2%: ВУП у цяперашніх коштах склаў 104,6 мільярда рублёў у параўнанні з мінулым годам. Абвешчанае сцісканне эканомікі на 5,2% выглядае прыніжаным, мяркуюць эканамісты, пішуць «Свабодныя навіны».

Віктар Цярэшчанка: Рэальнае падзенне значна глыбейшае

Кандыдат эканамічных навук Віктар Цярэшчанка мяркуе, што падзенне ВУП за сем месяцаў на 5,2% – крытычны паказнік.

– Але і ён будзе пагаршацца. Сёлета на інерцыю захавалі ўсё, што змаглі. А далей улады будуць рапартаваць пра светлую будучыню.

Эканаміст гаворыць, што мінусаванне ВУП адбылося праз разрыў вытворчых стасункаў (скарачэнне аб'ёмаў імпарту) і страты рынкаў збыту, якія страчаныя праз санкцыі.

Разам з тым абвешчаныя афіцыйна лічбы не выклікаюць даверу. Бо гаворка ідзе пра аб'ёмы выпушчанай прадукцыі, а рэалізаваная яна ці не – нікога не хвалюе. Замяніць пастаўшчыкоў камплектавальнікаў і знайсці новыя рынкі збыту да раніцы немагчыма, і за месяц нельга, – адзначае Віктар Цярэшчанка. – Можна прарывацца і на афрыканскі кантынент, і ў краіны Лацінскай Амерыкі, але ж беларуская прадукцыя не ў стане канкураваць з кітайскай, напрыклад.

Паводле ягоных прагнозаў, паводле вынікаў года сітуацыя значна ўскладніцца:

– Улады могуць паказаць усё, што заўгодна: могуць выпусціць максімум прадукцыі і паслуг. У выніку абвесцяць зніжэнне ВУП на 7-8% (больш не асмеляцца). І пры гэтым пачнуць спасылацца на казырныя карты, якія нібыта схаваныя ў рукаве. Але я цяпер таксама 5-7 раз на дзень купаюся ў рэчцы, толькі гэта ж не азначае, што я жыву як у Бога за пазухай і што мая лядоўня забітая пад завязку, праўда?

Мікалай Лысенкаў: З-пад палкі ні карова не доіцца, ні хлеб не расце

Былы старшыня калгаса Мікалай Лысенкаў адзначае, што статыстыка датычна вёскі за сем месяцаў у першую чаргу ўключае ў сябе жывёлагадоўчую галіну:

– Летась недабралі збожжа, значыць, сёлета атрымалі менш мяса і надаілі менш малака. Усё заканамерна. Але, з іншага боку, летась уборка была больш ранняя: можна ўбраць асноўную частку збожжа ўжо ў ліпені, а можна, як цяпер, у жніўні толькі прыступіць да ўборкі, – адзначае эксперт.

Мікалай Лысенкаў адзначае, што падзенне 10,2% – занадта вялікае:

– Калі кіраўніцтва краіны заяўляе, што сельская гаспадарка стане лакаматывам для ўпалага ВУП – гэта голы папулізм. Пакуль на зямлі не будзе гаспадара, агракомплекс застанецца стратным: з-пад палкі ні карова не доіцца, ні хлеб не расце. Можна, вядома, выдаць указ, каб каровы даіліся больш, але дзе малака ўзяць? А потым ладзіць разбор палётаў, чаму ўказ не выконваецца.