Чатыры захапляльныя фільмы для суботняга прагляду

У кожным з іх сыграла вядомая амерыканская акторка Міла Куніс.

Амерыканская акторка родам з Украіны Міла Куніс пачала актоскую кар'еру ў 1994 году. Яна здымалася ў рэкламных роліках, а таксама адыгрывала эпізадычныя ролі. Але сапраўдны прарыў адбыўся пасля прэм'еры фільма “У пралёце”.

Так і пачаўся новы віток у кар'еры Куніс. Пасля гучнай прэм'еры яе пачалі запрашаць і ў іншыя фільмы, за якія яна атрымала шмат прэстыжных узнагарод, піша «Уніян».

“Чорны лебедзь”

Сюжэт стужкі будуецца вакол прымы балетнага тэатра, у якой нечакана з'яўляецца небяспечная канкурэнтка, здольная адабраць у галоўнай гераіні ўсе партыі. Саперніцтва ўзмацняецца па меры набліжэння адказнага выступу, які павінен вызначыць усё.

За ролю балерыны Лілі ў фільме "Чорны лебедзь" Куніс узнагародзілі прэміяй "Сатурн" і намінавалі на "Залаты глобус" і Прэмію Гільдыі кінаактораў ЗША за найлепшую жаночую ролю другога плана.

"Амерыканскі псіхапат 2"

У сіквеле гэтага трылера Куніс упершыню адыграла сваю галоўную ролю ў кіно. У цэнтры сюжэту першай часткі фільма чалавек, які днём з'яўляецца прыстойным грамадзянінам, а ўначы становіцца крыважэрным забойцам.

А вось другая частка пачынаецца з апавядання галоўнай гераіні Рэйчэл Ньюман (Міла Куніс) пра тое, як у дзяцінстве яе няня Клара ўзяла дзяўчынку на спатканне з серыйным забойцам Патрыкам Бэйтманам (галоўнай дзейнай асобай фільма “Амерыканскі псіхапат”). Пакуль Патрык распраўляўся з няняй, дзяўчынка забіла яго. Целы Бэйтмэна і няні Клары паліцыя знайшла праз некалькі дзён, але пра сувязь Рэйчэл з гэтай справай ніхто і не падумаў.

"Макс Пэйн"

17 кастрычніка 2008 года выйшла ў пракат экранізацыя аднайменнай культавай гульні "Макс Пэйн" з Маркам Волбергам у галоўнай ролі, дзе Куніс адыграла ролю наёмнага забойцы Моні Сакс. За ролю ў экранізацыі гульні Куніс намінавалі на прэмію "Teen Choice Awards".

“Оз: Вялікі і Магутны”

У 2013 годзе выйшаў фантастычны фільм-казка "Оз: Вялікі і Магутны", дзе Міла іграла Тэадора, малодшую з трох ведзьмаў. Падзеі разгортваюцца вакол цыркавога штукара Оскара Дыгса. Ураган закідвае яго ў чароўную краіну Оз, і тады ён памылкова мяркуе, што злавіў поспех за хвост. Але ён сустрэнецца з трыма чарадзейкамі Тэадорай, Эванорай і Глендай, якія сумняваюцца ў тым, ці той гэта вялікі чараўнік, з'яўлення якога чакалі жыхары краіны Оз.