Пуцін блізкі да таго, каб учыніць фінальную памылку

Для Крамля першай вялікай фатальнай памылкай стала анэксія Крыма.

Менавіта анэксія, а не акупацыя. Калі б Крэмль пачаў ужываць з акупаваным Крымам тую ж схему, што і з Абхазіяй, то гэта не мела б для яго такіх фатальных наступстваў. Але прагнасць фраера згубіла, а дакладней, хімеры ў ягонай галаве.

Другой фатальнай памылкай стала ўварванне 24 лютага. Калі б Крэмль абмежаваўся вялікім наступам у зоне ААС з выхадам на адміністрацыйныя межы Данецкай і Луганскай абласцей і скончыў яго за 5-6 дзён, што было цалкам магчыма, то цяпер сітуацыя была б для яго не такой фатальнай. Але прагнасць з хімерамі зноў падманулі, і гэтым разам зусім фатальна. Не толькі ў Крамля, але і ва ўсёй Масквы і РФ вельмі хімернае ўяўленне пра Украіну і вайну з ёй.

Цяпер Крэмль упёрся ў выбар з трох дзвярэй і блізкі да таго, каб зрабіць трэцюю і астатнюю сваю фатальную памылку – зладзіць выцеку радыяцыі на Запарожскай АЭС і сусветную вайну паводле класічнай схемы. Але з сусветнай вайной дзеля аб'ектыўных чыннікаў у крамлёўскіх актораў можа атрымацца толькі вайна ўсяго свету з РФ.

Аварыя на ЗАЭС з выцекам радыяцыі, аварыі без выцеку Крэмль ладзіць другі тыдзень, прывядзе яго таксама да вайны з усім светам. Тое, што большая частка афрыканска-азіяцкага свету ваяваць рэальна не будзе і зойме ў дачыненні да РФ пазіцыю неспрыяльнага нейтралітэту, наўрад суцешыць Крэмль. З усёй Лацінскай Амэрыкі толькі Бразілія рэальна ваявала з Трэцім Райхам, але гэта было слабым суцяшэннем для фюрэра.

Урад Украіны да 24 жніўня неаднаразова прапаноўваў Крамлю чацвёртыя дзверы - адвесці акупацыйныя войскі РФ на лінію 23 лютага і пачаць перамовы. Нарада Крамля з думай 25 жніўня гэтую прапанову чарговы раз адпрэчыла, чым учыніла яшчэ адну вялікую памылку і, здаецца, фатальную для РФ.

Хімеры ў галовах Крамля і Дзяржаўнай думы далей вядуць рэй. Дума наогул лянуецца думаць. У яе ідуць не дзеля таго, каб думаць, а каб галасаваць. У выніку Крэмль цяпер блізкі да таго, каб учыніць фінальную і фатальную памылку з выбарам дзвярэй, і на разважанні ён мае два-тры тыдні. Іншыя памылкі потым ужо не будуць мець аніякага значэння і дакладна не будуць "лёсавызначальнымі", як любяць выказвацца ў Расеі.

Сяргей Клімоўскі, «Главред»