На «Гродна Азот» ужо чатыры дні не могуць запусціць некалькі цэхаў

На прадпрыемстве чутны рэзкі пах аміяку.

Цэх аміяку на прадпрыемстве «Гродна-Азот» ужо чатыры дні не могуць запусціць. Як сайту Charter97.org паведамілі працаўнікі завода, прычыны - гэта паломка кампрэсара і запоўненасць склада вадкага аміяку вышэй за рэгламентнае значэнне. Разам з ім не змог гэтак жа запусціцца і залежны ад яго цэх «Карбаміда».

- Усе чатыры дні паходня гарэла на ўсе грошы, бо любая пускавая або прыпыначная аперацыя прадугледжвае спаленне прыроднага газу для разагравання. Сёння ўдзень на прадпрыемстве быў рэзкі пах аміяку, які ўказвае на перавышэнне гранічна дапушчальнай канцэнтрацыі (ГДК), - паведамляюць работнікі завода.