УСУ збілі расейскі штурмавік Су-25
2- 20.09.2022, 21:05
- 8,786
Таксама быў збіты іранскі дрон.
У аўторак, 20 верасня, украінскія вайскоўцы знішчылі яшчэ адзін расейскі штурмавік Су-25 ды іранскі дрон-камікадзэ.
Пра гэта паведамляюць Паветраныя сілы УСУ.
«Вайскоўцамі зенітнай ракетнай Адэскай брыгады паветранага камандавання «Поўдзень» збіты чарговы расейскі штурмавік Су-25», - гаворыцца ў заяве.
Таксама вайскоўцы паведамілі, што ў Мікалаеўскай вобласці сіламі і сродкамі супрацьпаветранай абароны паветранага камандавання «Поўдзень» выпала збіць робат акупантаў.
«Збіты варожы дрон-камікадзэ «Shahed-136» іранскага вырабу, які расейскія акупанты пазначаюць як «Герань-2», - заявілі вайскоўцы.
Яны растлумачылі, што гэта баявы прыпас, які баражуе, вагой 200 кілаграмаў і размахам крылаў 2,5 мэтра.