«Нік і Майк»: Раім усім беларусам прадумаць дзеянні на выпадак абвяшчэння мабілізацыі
81- 25.09.2022, 14:58
- 46,278
Навошта «сіняпальцы» адправіўся на самалёце ў Сочы?
Аўтары папулярнага тэлеграм-канала «Нік і Майк» уважаюць, што мабілізацыі ў Беларусі па ўзоры РФ не пазбегнуць:
- У тым, што без папярэджання сіняпальцы тузануў на самалёце ў Сочы, няма нічога добрага для адэптаў сект стабільнасці і «абы не было вайны». Мы неаднаразова пісалі, што прастора для манеўраў імкліва звужаецца праз ўкраінскае контрнаступленне і крамлёўскую рэакцыю на яго. Пры іншых раскладах магло быць не да сіняпальцага, але стаўкі занадта высокія, каб дазволіць захоўваць яму хаця б бачнасць нейтралітэту і шчыліну саскочыць або здрадзіць.
Складана сказаць, ці пакінуць яго пад наглядам да моманту абвяшчэння вынікаў «рэферэндумаў», якія з такім жа поспехам можна было праводзіць, не выходзячы з бункера. Тады апынецца ў коле сваіх па рангу «кіраўнікоў» «ЛНР» і «ДНР» і іншага зброду, якога не хапіла на стварэнне хаця б абрэвіятуры. Або адпусцяць крыху раней, каб дазволіць захаваць твар да моманту спробы закідаць Украіну мясам ненавучаных навабранцаў.
Крэмль для сябе вектар абраў. І зараз яму трэба мабілізаваць усё, што ёсць паблізу. Пры ўсіх мінусах вайскоўцы хунты найлепшае, што можна зараз дастаць на фоне зэкаў і тых «магілізацыі», што выпадкова падвярнуліся пад руку. Нават калі ў расход адправяць непажаданых з розных карных органаў Расеі, усё роўна ёсць месца для вайскоўцаў хунты ў гэтай мясасечцы.
Часу на тое, каб зразумець, што на гэты раз не пранясе, а суровы ваенкам пагрукаецца ў дзверы да тых, хто яшчэ ўчора добрасумленна даносіў на суседзяў праз няправільную музыку, засталося зусім крыху.
Адплата за маўчанне, сквапнасць і подласць прыходзіць адтуль, адкуль не чакалі. Для хунты нават самыя адмарожаныя «ябацькі» ўсяго толькі расходны матэрыял.
Усім адэкватным беларусам раім прадумваць дзеянні на выпадак аб'яўлення мабілізацыі. Пасля можа быць позна.