УСУ паспяхова адбілі дзевяць варожых наступаў
5- 5.09.2022, 22:35
- 18,686
На адным кірунку армія Украіны выбіла акупантаў з раней занятых імі пазіцый.
Узброеныя сілы Украіны адбілі спробы наступу акупантаў паблізу 9 населеных пунктаў, а на Краматорскім кірунку выбілі ворага з раней занятых ім пазіцый. Пра гэта размова ідзе ў зводцы Генеральнага штаба Узброеных сілаў Украіны за 5 верасня.
Як адзначаецца, Сілы абароны Украіны прадаўжаюць вядзенне абарончай аперацыі, утрымліваюць пэўныя рубяжы і не дапускаюць прасоўвання захопнікаў углыб тэрыторыі Украіны.
– Украінскія абаронцы паспяхова адбілі спробы наступу ворага ў раёнах населеных пунктаў Белагораўка, Грыгароўка, Пакроўскае, Бахмуцкае, Лазавое, Спартак, Салядар, Зайцава і Семігор'е, а на Краматорскім кірунку мелі тактычны поспех і выбілі ворага з раней занятых ім пазіцый, – гаворыцца ў зводцы.
Нагадаем, расейскія захопнікі здзейснілі поўнамаштабнае ўварванне ва Украіну раніцай 24 лютага. УСУ даюць годны адпор ворагам. На ўкраінскай зямлі ўжо ліквідавалі блізу 49 тыс. 800 ворагаў.