Рэжым Лукашэнкі прыпыніў дамовы аб адукацыі з Польшчай і Францыяй
18- 25.01.2023, 20:53
- 10,202
Дыктатар узяў курс на Зімбабвэ.
Беларусь прыпыніла пагадненне аб супрацоўніцтве ў сферы адукацыі, навукі і тэхнікі, культуры, СМІ з Францыяй. Акрамя таго, Беларусь прыпыняе пагадненне аб адукацыі яшчэ з адной краінай - з Польшчай, піша БелТА.
"Дэпутаты" на пасяджэнні 9-ай сесіі "палаты прадстаўнікоў" сёмага склікання прынялі праект закона "Аб спыненні дзеяння Пагаднення паміж урадам Рэспублікі Беларусь і ўрадам Французскай Рэспублікі аб супрацоўніцтве ў галіне культуры, адукацыі, навукі і тэхнікі, сродкаў масавай інфармацыі". Адзначаецца, што пагадненне паміж урадамі Беларусі і Францыі было падпісанае ў Парыжы 20 студзеня 2010 года.
Законапраект у Авальнай зале прадставіў міністр культуры Беларусі Анатоль Маркевіч. Ён адзначыў, што апошнія некалькі гадоў з боку Францыі адсутнічала цікавасць да двухбаковых кантактаў у рамках названага пагаднення. Падобнае ўзаемадзеянне адказных ведамстваў на гэты момант фактычна не ажыццяўляецца. Ён сказаў, што далейшае супрацоўніцтва Беларусі і Францыі ў рамках пагаднення з'яўляецца немэтазгодным.
Пагадненне паміж урадамі дзвюх краін аб супрацоўніцтве ў сферы адукацыі было падпісанае ў Варшаве 20 ліпеня 2016 года.
Як паведамляў Charter97.org, раней Лукашэнка ўхваліў праект мемарандума аб прызнанні дакументаў аб адукацыі з Зімбабвэ.