У ЗША мадэрнізавалі ракеты для HIMARS

Змогуць трапляць у рухомую цэль.

Кампанія Lockheed Martin, якая вырабляе ракетную сістэму залпавага агню HIMARS, анансавала іх мадэрнізацыю, якая дазволіць трапляць у рухомыя цэлі.

Пра гэта паведамляе The Defense Post.

Як расказалі ў кампаніі, было праведзенае тэставанне раней распрацаванага модуля RIG-360. Ён забяспечвае абнаўленне цэляў боепрыпасаў у палёце і можа выкарыстоўвацца не толькі для боепрыпасаў HIMARS.

«Гэта выпрабаванне з'яўляецца вялікім крокам наперад да прасоўвання канцэпцыі супольных агнявых аперацый войска ЗША», – заявіў афіцыйны прадстаўнік Lockheed Martin Скот Арнольд.

Паводле ягоных словаў, праверка канцэпцыі нацэленая на тое, каб даць магчымасць войску наносіць глыбокія ўдары па ворагу з дапамогай наступальнага агню па рухомых цэлях у складаных умовах. На думку распрацоўнікаў, гэта крытычна важная задача павышэння гнуткасці дзеянняў войска ЗША.

Модуль сувязі RIG-360 спачатку быў распрацаваны для сямейства перахопнікаў Patriot Advanced Capability-3. Ён забяспечвае інтэрфэйс паміж ракетным перахопнікам і ўбудаванай сістэмай баявога кіравання. Модуль выкарыстоўвае звесткі пра цэлі ад розных датчыкаў, ён забяспечвае магчымасць паразы ракеты-перахопніка на 360 градусаў.

HIMARS даволі часта выкарыстоўваюць украінскія вайскоўцы для нанясення ўдараў па варожых пазіцыях расейцаў на фронце. Сярод іншага, УСУ ўдала ўжываюць РСЗА HIMARS у тактыцы «страляй і бяжы». Менавіта яе выкарыстоўвалі пры ўдары па інтэрнаце з акупантамі ў Макееўцы.