Расія ўваходзіць у піке

Рэальны стан расійскай эканомікі — суцэльная катастрофа.

Дзяржаўнае статыстычнае ведамства не змагло «замаскіраваць» той факт, што наймагутнейшыя расійскія энергетычныя гіганты не ў стане аднавіць абсталяванне нафтаперапрацоўчых прадпрыемстваў, выведзенае са строю Сіламі абароны Украіны. Паводле афіцыйных даных Расстата, у гадавым вылічэнні спад нафтаперапрацоўкі на ліпень складае прыблізна 20%. Але тут варта падкрэсліць: гэта ўзгодненая з Крэмлём, то бок моцна прычэсаная інфармацыя.

Рэальны стан расійскай эканомікі — суцэльная паліўная (і не толькі паліўная) катастрофа без надзеі на істотнае паляпшэнне сітуацыі. Міжнародная аналітычная кампанія Kpler, якая збірае разведвальную інфармацыю пра глабальныя рынкі сыравінных тавараў, канстатуе: перапрацоўка нафты на расійскіх заводах упала да 21-гадовага мінімуму. Гэта ліпеньскія паказчыкі, але з таго часу Сілы абароны крыху «скарэктавалі» лічбы. Таму ў жніўні, паводле прагнозаў экспертаў Kpler, перапрацоўка будзе яшчэ меншай — каля 4 млн барэляў у суткі. Агульная выснова: расійская нафтаперапрацоўка, а разам з ёй і ўвесь прамысловы сектар агрэсара, павольна скочваюцца ў бездань 90-х.

Яшчэ нядаўна лічылася, што Расія ўсё ж здольная пакрыць дэфіцыт бензіну за кошт імпарту з Індыі і Казахстана. Але фактычна маштабнага імпарту не адбываецца. Паступаюць адносна невялікія партыі паліва з аднаго індыйскага завода, які належыць расійскім уладальнікам, але на рынку паліва гэтыя пастаўкі ніякай ролі не адыгрываюць. Што да Казахстана, дык тут сітуацыя яшчэ больш цікавая.

Найбуйнейшыя НПЗ Казахстана адмовіліся пастаўляць бензін у Расію праз санкцыі. І гэта пры тым, што Казахстан — афіцыйны «сябар і саюзнік» Масквы! Паводле інфармацыі агенцтва Reuters, уладальнікі буйных казахстанскіх НПЗ не жадаюць пастаўляць бензін у Расію з-за складанасцей з аплатай праз расійскія банкі і рызыкі трапіць пад санкцыі Захаду...

Адзіная кампанія ў Казахстане, што згадзілася пастаўляць бензін у РФ, — невялікі НПЗ «Кандэнсат» магутнасцю 850 тыс. тон у год. У ліпені завод адправіў у Расію 9 тыс. тон бензіну. Для разумення: сутачная патрэба РФ у маторным паліве складае прыкладна 110 тыс. тон у дзень, то-бок гадавыя аб’ёмы «Кандэнсата» роўныя прыблізна чатыром дням патрэбаў балотнай эканомікі.

Сухі вынік: дзяржава-агрэсар пакуль не знайшла рашэння паліўнай праблемы. Як бачым, дальнабойныя санкцыі Сіл абароны Украіны ў спалучэнні з заходнімі санкцыямі даюць выдатны сінэргетычны эфект. І першыя, і другія неабходна ўзмацняць — і мы разам з нашымі міжнароднымі партнёрамі іх узмоцнім. Спадзяёмся, што ў найбліжэйшы час, ужо ў верасні, Кангрэс ЗША канчаткова прыме закон, распрацаваны год таму сябрам Украіны сенатарам Ліндсі Грэмам, які называюць законам пра «пякельныя санкцыі».

Мы зрабілі амаль немагчымае: ператварылі краіну-бензакалонку ў краіну-аўтастаянку. Некаторы час вайскова-эканамічная машына ворага здольная рухацца па інэрцыі, на «сухім баку», але рана ці позна яна асуджаная спыніцца. Наша мэта яшчэ больш амбіцыйная: зрабіць так, каб недаімперыя ўпала — і яна абавязкова ўпадзе. Кожнае наша намаганне, кожны наш дрон набліжаюць гэты момант — набліжаюць Перамогу. Працягваем працу. Слава Украіне!

Юрый Федарэнка, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com