21 лютага 2024, Серада, 20:12
Падтрымайце
сайт
Сім сім,
Хартыя 97!
Рубрыкі

Стыхія паўстала: шторм у Крыме знішчыў планы РФ

6
Стыхія паўстала: шторм у Крыме знішчыў планы РФ

Афіцэр УСУ раскрыў маштаб наступстваў для акупантаў.

Магутны шторм разбурыў ахоўныя збудаванні акупантаў каля Крымскага моста, а таксама акопы, выкапаныя на заходнім узбярэжжы Крыма.

Анэксаваны Крым накрыла наймагутнейшым штормам, з прычыны чаго былі разбураныя бонавыя загароды каля Керчанскага моста.

Больш за тое, акопы, якія расейцы паспелі накапаць на больш як сотні кіламетраў на заходнім узбярэжжы Крыма ў раёне Сакаў і далей да паўднёвага ўзбярэжжа, да Севастопаля былі цалкам разбураныя.

Такім чынам, усе намаганні акупантаў і мільёны, якія былі ўкладзены ў будаўніцтва гэтых інжынерных збудаванняў, пайшлі на дно.

«У гэтым выпадку гэты шторм стагоддзя, ці ідэальны шторм, як яго назвалі, прывёў да вельмі сур'ёзных разбурэнняў, і ў першую чаргу вайсковай інфраструктуры РФ у Крыме. І гэта ўжо не ўпершыню, калі сама прырода паўстае супраць расейскіх акупантаў», - заявіў афіцэр УСУ і палітолаг Тарас Беразавец у інтэрв'ю для «24 канала».

Таксама экспэрт звярнуў увагу на тое, калі вораг падступна падарваў Кахоўскую ГЭС, найперш гэта адбілася на экалогіі водазабеспячэння на Крымскай паўвыспе, таму што стала немагчымым запампоўванне вады праз Паўночнакрымскім канал.

«Гэта быў чарговы стрэл сабе ў нагу, а лепш сказаць - у галаву. Не ўзяць пад увагу гэтыя наступствы расейцы, безумоўна, не маглі. Яны ўсё гэта ўсведамлялі, што чарговым разам даводзіць: ім абсалютна напляваць на насельніцтва на часова акупаваных тэрыторыях. Яны развязваюць выключна вайсковыя задачы, не звяртаючы ўвагі на тое, як ад гэтага будуць пакутуюць цывільныя нрамадзяне», – адзначыў Беразавец.

Напісаць каментар 6

Таксама сачыце за акаўнтамі Charter97.org у сацыяльных сетках