«Самыя цёплыя месцы ў беларускай медыцыне займаюць сынкі і дочкі розных шышак»

Лекар востра выказаўся пра новаўвядзенні Міністэрства аховы здароўя.

Міністэрства аховы здароўя пачало паніжаць кошты стаматалагічных паслуг у Беларусі. Выканаўца абавязкаў загадчыка стаматалагічнага аддзялення Капыльскай цэнтральнай раённай паліклінікі Уладзімір Дварэцкі заявіў, што нязгодны з пастановай чыноўнікаў. Абгрунтоўваючы сваю пазіцыю, лекар адзначыў, што кошты і так нізкія. Ён прывёў прыклады: ацэталавы пратэз – у раёне 360 рублёў, пластмасавая каронка – 50–55 рублёў, просты здымны пратэз – ад 165 рублёў.

Хто мае рацыю ў гэтай сітуацыі? Пра гэта сайт Charter97.org паразмаўляў з беларускім лекарам Аляксеем Носавым.

– Рынак мае рацыю. Стаматалогія – гэта бізнэс і рамяство, якое павінна акупляцца. Бо акрамя чалавечай працы тут выкарыстоўваюцца і матэрыялы. Кошт паслуг фармуецца пэўнай колькасцю чыннікаў – кошт зыходнікаў, усякія выдаткі на электрычнасць, ваду і гэтак далей, а таксама працу людзей.

Калі ўладам падуладная магія, з дапамогай якой яны могуць загадваць лічбамі, можа, нешта і атрымаецца.

Магчыма, улады прызвычаіліся, што калі ў Беларусі нешта будуецца, цэменту, напрыклад, трэба 40%, а пяску 60%. Але ж яны даюць 90% пяску і 10% цэменту. Улады думаюць, што можна ўсюды так: скрасці, пакласці ў кішэню.

У нас жа ў большасці сваёй дзяржаўная стаматалогія, бюджэтная. Матэрыялы набываюцца звонку. Калі ж скараціць колькасць скрадзеных грошай, то атрымаецца кошты неяк зменшыць. Вы ж разумееце, што любы прадукт, які прадаецца ў Беларусі, прадаецца пасля адкату. Грошы ідуць у нечую кішэню, ёсць карупцыйныя схемы на ўзроўні Міністэрства аховы здароўя. На гэта проста заплюшчваюць вочы.

Страты ж будзе цярпець непасрэдна дзяржава. У пэўны момант рэсурс вычарпаецца і будзе складана прапанаваць нават тую медыцынскую дапамогу, якая ёсць цяпер.

Улады хочуць зрабіць усё паводле прынцыпу: «Эканоміка, стой, раз, два! Налева!» Дык гэта не працуе. Мозг павінен выкарыстоўвацца.

– Якія наступствы для беларускай стаматалогіі вы бачыце?

– Прадбачыць складана. Якасць, натуральна, упадзе. Паўтаруся, калі «цэмент будуць замінаць з пясочкам», будуць пломбы і ўстаўныя зубы выпадаць.

Лепш улады ўлезлі б і памянялі сістэму аховы здароўя. Гэта магчыма. У нас ужо ёсць гатовая схема, мы толькі чакаем і шчыра спадзяемся, што калі здаровы сэнс возьме верх, ёй скарыстаюцца. Усё прасцей за простае. Ёсць краіны, дзе цудоўна спалучаюцца страхавая і платная медыцына, патрэбна толькі невялікая адаптацыя.

– Лекарам, якія паступаюць у ардынатуру, давядзецца адпрацоўваць пасля навучання не менш за пяць гадоў. Якія наступствы гэта будзе мець для беларускай медыцыны?

– Па-першае, усё залежыць ад таго, якія ўмовы працы створаныя для чалавека. Калі ён едзе некуды, адрываецца ад сваіх каранёў, яму трэба неяк жыць.

Калі ў яго будзе жыллё, добры заробак, на які ён зможа жыць, а не існаваць, медык там і застанецца. Аднак мы бачым, што людзі не задаволеныя ўмовамі. Медыкі будуць альбо адразу сыходзіць, альбо праз нейкі час. Будуць за мяжу з'язджаць, станавіцца медыцынскімі прадстаўнікамі, сыходзіць з прафесіі.

Варта адзначыць, што самыя цёплыя месцы ў беларускай медыцыне займаюць сынкі і дочкі вышэйшых працаўнікоў. Не важна, умеюць яны нешта рабіць ці не.

Так, ёсць зоркі і людзі, якія самі сябе зрабілі, але іх не так многа. У пасёлкі гарадскога тыпу і маленькія мястэчкі ж будуць адпраўляць тых, у каго няма такога блату.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com