17 красавiка 2024, Серада, 9:41
Падтрымайце
сайт
Сім сім,
Хартыя 97!
Рубрыкі

У Фінляндыі паўторна затрыманы адзін з верхаводаў ДШРГ «Русіч»

6
У Фінляндыі паўторна затрыманы адзін з верхаводаў ДШРГ «Русіч»
ЯН ПЯТРОЎСКІ

Гэты выпадак выключны па шэрагу прычын.

Ян Пятроўскі, расейскі нэанацыст, які з'яўляецца адным з лідараў расейскай нэанацысцкай тэрарыстычнай групоўкі ДШРГ «Русіч», якая мае дачыненне да забойстваў і катаванняў ваеннапалонных і цывільных украінцаў, не паспеў выйсці на волю ў Фінляндыі. Яго зноў затрымалі - на гэты раз супрацоўнікі фінскай крымінальнай паліцыі.

Аб гэтым паведамляе фінскае выданне Yle. Паводле інфармацыі журналістаў, паліцыя пачала супраць Пятроўскага папярэдняе расследаванне, яго падазраюць ва ўчыненні тэрарыстычных злачынстваў ва Украіне.

У паліцыі вывучаюць матэрыялы, якія даслала Украіна. А пастанова аб тым, ці пачынаць расследаванне супраць Пятроўскага па факце тэрарызму, можа быць прынятая ўжо ў пачатку наступнага тыдня.

Выданне адзначае, што выпадак такога расследавання для Фінляндыі выключны, бо падазраваны - не грамадзянін краіны, а злачынствы ён учыняў за яе межамі. Аднак фінскія законы дазваляюць расследаваць такія справы.

Напісаць каментар 6

Таксама сачыце за акаўнтамі Charter97.org у сацыяльных сетках