5 сакавiка 2024, aўторак, 3:27
Падтрымайце
сайт
Сім сім,
Хартыя 97!
Рубрыкі

Мэдыі: Крым атакавала рэкордная колькасць беспілотнікаў з канца лета

1
Мэдыі: Крым атакавала рэкордная колькасць беспілотнікаў з канца лета

Расейцы прызналі ўдар па нафтабазе.

Уночы 5 снежня на Крым была ўчыненая самая маштабная атака дронаў з канца лета. Агулам у налёце быў ужыты 41 беспілотнік, паведамляе The Moscow Times.

Паводле Мінабароны РФ, у першай хвалі над тэрыторыяй Крыма і Азоўскім морам «былі знішчаныя» 22 дроны самалётнага тыпу, а яшчэ 13 беспілотнікаў былі перахопленыя сістэмамі радыёэлектроннай барацьбы.

Пазней вайсковае міністэрства паведаміла, што над акваторыяй Азоўскага мора былі знішчаны яшчэ чатыры дроны і два перахопленыя. Аб разбурэннях і пацярпелых інфармацыі няма.

На гэтым фоне рух аўтатранспарту па Крымскім мосце было часова перацяты. «Асоб, якія знаходзяцца на мосце і ў зоне надгляду просім захоўваць спакой і пільнавацца наказаў супрацоўнікаў транспартнай бяспекі», — гаварылася ў тэлеграм-канале аперацыйнай інфармацыі. Аб аднаўленні руху пакуль не паведамлялася.

Самая масавая атака беспілотнікаў на Крым адбылася 25 жніўня гэтага года. У небе над анэксаваным Расеяй паўвостравам з'явіліся адразу 42 дроны. Усе яны былі здушаныя і збітыя, рапартавала расейскае вайсковае міністэрства.

Расейцы заявілі аб нападзе дронаў на нафтабазу ў Крыме

Расейцы сцвярджаюць, што два беспілотнікі спрабавалі атакаваць нафтабазу ў часова акупаваным Крыме раніцай 5 снежня.

Пра гэта паведамляе РБК-Украіна са спасылкай на расейскія прапагандысцкія Telegram-каналы.

Як пішуць у сеціве, спроба атакі адбылася сёння пад пяць гадзін раніцы. У бок нафтабазы «Марскі нафтавы тэрмінал» нібыта ляцелі два беспілотнікі самалётнага тыпу. Расейцы традыцыйна сцвярджаюць, што «ўсе дроны збілі сілы СПА».

Як паведамляюць расейскія мэдыі, першы БЛА дэтанаваў у паветры, на тэрыторыю нафтабазы ўпалі адломкі, а другі ўпаў за 70 мэтраў ад аднаго з рэзэрвуараў. Пацярпелых, паводле звестак прапагандысцкіх рэсурсаў, няма.

Напісаць каментар 1

Таксама сачыце за акаўнтамі Charter97.org у сацыяльных сетках