Дроны нанеслі ўдар па найважнейшай нафтабазе РФ у Феадосіі

Таксама ракетамі атакаваны суднабудаўнічы завод «Заліў» у Керчы.

Раніцай 5 снежня ў часова акупаванай Феадосіі грымнулі магутныя выбухі. У сеціве яны пісалі, што іх было пад 30 і ад іх дрыжэлі дамы.

Пазней стала вядома, што два БЛА атакавалі нафтабазу расейскіх акупантаў.

Пад удар трапіў «Марскі нафтавы тэрмінал» у Феадосіі. Пра гэта паведамляе Telegram-канал "Крымскі вецер".

Нафтабазу атакавалі два дроны-камікадзэ самалётнага тыпу. Паводле папярэдніх звестак, адзін БЛА здэтанаваў у паветры — на тэрыторыю нафтабазы ўпалі толькі аскепкі.

У той жа час другі беспілотнік упаў за 70 мэтраў ад аднаго з рэзэрвуараў з палівам. Таксама вядома, што падчас дронавага нападу на тэрыторыі нафтабазы працавалі варожыя сістэмы супрацьпаветранай абароны. Напрыклад, захопнікі спрабавалі збіць БЛА з дапамогай зенітнага ракетна-гарматнага комплексу "Панцыр-С1".

Са слоў відавочцаў, у Феадосіі выбухі грымелі а 6:05, 6:08, 6:14 і 6:25 мясцовага часу. Таксама жыхары часова акупаванага Крыма пісалі ў сеціве, што чулі гукі БЛА.

«Марскі нафтавы тэрмінал» размешчаны ў паўночна-ўсходняй частцы Феадосіі. На тэрыторыі прадпрыемства знаходзіцца блізу 30 рэзэрвуараў для паліва. Таксама там ёсць чыгуначныя рэйкі, якія дазваляюць расейскім акупантам пільна перамяшчаць паліўна-аліўныя матэрыялы па ўсёй тэрыторыі ўкраінскага паўвострава.

«АТ «Марскі нафтавы тэрмінал» – прадпрыемства са стогадовай гісторыяй, і сёння займае найважнейшае месца ў інфраструктуры РФ. Мэтай стварэння таварыства з'яўляецца задавальненне сацыяльна-эканамічных патрэб насельніцтва і суб'ектаў гаспадарання Рэспублікі Крым у забеспячэнні нафтапрадуктамі, паслугамі захоўвання і пераладоўвання нафты і нафтапрадуктаў», — гаворыцца на сайце прадпрыемства.

"Крымскі вецер" таксама піша аб тым, што быў нанесены ракетны ўдар па заводзе "Заліў" у Керчы, дзе будуюць для МА РФ новыя вайсковыя караблі.