Нэпал выставіў ультыматум Расеі

Масква павінна выплаціць кампенсацыі сем'ям нэпальскіх гуркхаў.

Нэпал запатрабаваў ад Масквы не вербаваць сваіх грамадзян у расейскае войска і неадкладна вярнуць усіх нэпальскіх грамадзян пасля таго, як стала вядома, што шэсць жаўнераў, якія служылі ў расейскім войску, былі забітыя.

Пра гэта паведамляе Reuters.

Нэпальскія жаўнеры, званыя гуркхамі, служаць брытанскаму і індыйскаму войскам пасля здабыцця Індыяй незалежнасці ў 1947 году ў адпаведнасці з умовай паміж трыма краінамі.

Маленькая гімалайская краіна, заціснутая паміж Кітаем і Індыяй, не мае такой умовы з Расеяй, якая ўварвалася ва Украіну ў лютым 2022 гады і з тых часоў вядзе вайну.

Урад Нэпала паведаміў у сваёй заяве, што шэсць яго грамадзян, якія служылі ў расейскім войску, былі забітыя, не падаўшы ніякіх драбніц.

«Урад Нэпала звярнуўся да расейскага ўрада з патрабаваннем неадкладна вярнуць іхнія целы і выплаціць кампенсацыю іхнім сем'ям», — заявіла міністэрства замежных спраў.

У заяве таксама гаворыцца, што робяцца дыпламатычныя намаганні для вызвалення аднаго грамадзяніна Нэпала, які служыў у расейскім войску і трапіў у палон ва Украіне. Нэпал таксама заклікаў сваіх грамадзян не ўступаць у войска якой-небудзь краіны, якая вядзе вайну.

Ангельскамоўная газэта The Kathmandu Post працытавала Мілана Раджа Туладхара, амбасадара Нэпала ў Маскве, які паведаміў, што 150-200 нэпальцаў былі наймітамі ў расейскім войску.

Мільёны грамадзян Нэпала заняты на цывільных работах, збольшага ў якасці рабочых на прамысловых прадпрыемствах і будаўнічых пляцоўках у Паўднёвай Карэі, Малайзіі і на Блізкім Усходзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com