УСУ знішчылі браняваную калону расейцаў пад Аўдзееўкай

Атака на акупантаў пачалася з налёту рою FPV-дронаў.

Украінскія вайскоўцы распляжылі бронегрупу расейскіх войскаў на Аўдзееўскім кірунку каля вёскі Стэпавага.

У выніку атакі знішчаныя чатыры адзінкі браняванай тэхнікі і да 40 расейскіх вайскоўцаў.

Відэа апублікавалі ўкраінскія байцы падраздзялення «Хорн».

Паводле інфармацыі байцоў УСУ з перадавой, бронегрупа расейскай тэхнікі, якая складалася з, прынамсі, двух МТ-ЛБ, перайшла чыгунку ля Стэпавага на Аўдзееўскім кірунку.

У гэты час украінскія аператары беспілотных лятальных апаратаў (БПЛА) выявілі варожую калону і перадалі яе каардынаты артылерыі.

Паралельна расейцаў атакаваў рой FPV-дронаў.

«Для разумення, сённяшні штурм быў настолькі ганебны ў расейцаў, што яны нават не дайшлі да нашай пяхоты, бо нашы FPV-дроны проста распляжылі іх», – адзначыў баец украінскага падраздзялення.

У выніку артылерыйскага абстрэлу і атакі FPV-дронаў расейскія МТ-ЛБ былі знішчаныя. Таксама былі ліквідаваныя многія расейскія штурмавікі.