Разведка Эстоніі: Цёплае надвор'е дапамагае ВСУ абараняцца ад новага наступу РФ
2- 10.02.2023, 21:56
- 6,120
Расейцы сабралі вялікую групоўку ў Запарожскай вобласці і побач з Вуглядарам.
Расейскія вайскоўцы пачалі новы наступ на Данбасе, аднак цёплае надвор'е дапамагае Узброеным сілам Украіны паспяхова абараняцца. Пра гэта паведамляе РБК-Украіна са спасылкай на заяву камандуючага Выведвальным цэнтрам Сіл абароны Эстоніі палкоўніка Марго Гросберга.
Паводле яго слоў, актыўнасць баявых дзеянняў узрасла і ініцыятыва ў пэўнай ступені перайшла ў РФ. Ціск на ўкраінскіх вайскоўцаў вельмі моцны, аднак істотных зменаў на лініі сутыкнення няма.
Гросберг адзначыў, што наступу акупантаў перашкаджае цёплае надвор'е, якое не дае прамерзнуць зямлі.
- Іншымі словамі, надвор'е зараз спрыяе абаронным дзеянням ВСУ, - заявіў разведчык.
У Эстоніі канстатуюць, што гарачай кропкай сутыкнення з'яўляецца Бахмут, а ў напрамку Лімана актыўнасць РФ павысілася. Таксама расіяне сабралі вялікую групоўку ў Запарожскай вобласці і побач з Вуглядарам.