«Гледзячы толькі на кошт, ужо не хочацца браць, за такія грошы можна купіць мяса»

Што адбываецца з коштамі на рынках у Беларусі.

Пакуль кантралёры ламаюць галовы, як утрымаць цэны, кошт некаторай гародніны і садавіны б'е рэкорды. Каб на касе з поўным кошыкам не страціць прытомнасць ад чэка, варта загадзя паглядзець, дзе танней купляць.

Як зэканоміць на адных і тых жа прадуктах на прыкладзе цэн у дзвюх сеткавых крамах горада Ганцавічы Берасцейскай вобласці расказваюць карэспандэнты газеты «Ганцавіцкі час». Гандлёвыя аб'екты знаходзяцца за 200 метраў адзін ад аднаго. А вось розніца ў кошце на ідэнтычныя прадукты можа дасягаць сямі рублёў.

Варта адзначыць, што з набліжэннем каляндарнай вясны вітрыны крам у першасным сэнсе слова трашчаць ад багацця гародніны і садавіны. Калі на навагоднія святы прыходзілася часам адбіраць мандарыны з падмерзлых астаткаў, то зараз шмат якая гародніна і садавіна ёсць на выбар. Нават ананасы, манга і гранаты прадаюцца амаль у кожнай сеткавай краме.

Вінаград - «чэмпіён» сярод садавіны

Зменшыць выніковы чэк можна нават пры параўнанні цаны ў адной краме. Самую вялікую розніцу на 9,2 рубля мы знайшлі ў кошце на вінаград. У адной і той жа краме вінаград прадаецца па 6,79 і 15,99 рубля. Танней - светлы небуйны вінаград, прывезены з Узбекістана. Турэцкі вінаград даражэйшы - цёмны з буйнымі ягадамі, велічынёй, як слівы.

Як сказала адна з пакупніц: «Можа турэцкі і смачнейшы, але гледзячы толькі на кошт, яго ўжо не хочацца браць. За такія грошы можна купіць мяса».

Дарэчы, у суседняй краме прадаецца толькі буйны вінаград па 12,99 рубля. Там пакупнік не зможа параўнаць кошты на гэтую садавіну, калі не зазірне ў суседнюю краму.

Яшчэ 4 рублі можна зэканоміць на апельсінах: у адной краме яны прадаюцца па 3,99 рубля, у іншай - па 7,99 рубля.

На іншую садавіну розніца ў межах аднаго-двух рублёў. Напрыклад, яблыкі ёсць па 2,50 і па 3,49-3,99 рубля.

Кошты на іншую садавіну глядзіце і параўноўвайце ніжэй у табліцы.

Агуркі саступаюць «першынство» імберцу

Такая ж сітуацыя і з гароднінай. Пры ўважлівым вывучэнні коштаў і ў гэтай катэгорыі можна зэканоміць па 2-3 рублі на некаторых пазіцыях. Загадзя зраблю заўвагу наконт імберца, які не садавіна і не гародніна. Бо гэта корань, то мы яго ўмоўна аднеслі да гародніны.

Менавіта на імбіры і часнаку можна зэканоміць найбольшую суму. У адной краме імбір прадаецца па 11,99 рубля, а ў іншай - 14,99 рубля, што на 3 рубля даражэй.

Часнок можна набыць за 6,89 і за 8,99 рубля. Дарэчы, тамака дзе даражэй, прадаецца прарослы часнок.

Агуркі і памідоры прадаюцца з розніцай 1-2 рублі. Таматы ёсць розных памераў, іх лепш выбіраць навобмацак, каб не прыхапіць падгнілы.

А вось агуркі на выгляд свежыя і бліскучыя, не залежваюцца на вітрыне, нягледзячы на кошт. Кошт агуркоў за тыдзень прыкметна знізіўся і цяпер гародніна прадаюць па 9,99-10,72 рубля. На мінулым тыдні агуркі былі па 14 рублёў і пакупнікі «крычалі стой».

Бо за такія грошы можна арганізаваць сытны абед на ўсю сям'ю, калі закупіць бульбачкі і мяса курыцы. Але пра густы не спрачаюцца. Пры руплівым падыходзе можна сабраць да мяса «смачны» і важкі кошык гародніны, садавіны, ды яшчэ і зеляніны.

Пятрушка на вагу золата

Багацце зеляніны ёсць у кожнай сеткавай краме райцэнтра. Але кошт вітамінных лісцікаў пакуль кусаецца. Самая дарагая пятрушка - жмуток 30 г. прадаецца па 1,28 руб, атрымліваецца 42 рублі за кг.

Жмуток цыбулі 70г. прадаюць па 1.22 руб. Для параўнання, летам па рублі прадаюць 100 грамовы пучок цыбулі, што амаль удвая танней.

Больш падрабязна гледзіце кошты ў табліцы.