ПА АБСЕ прапанавала ўскласці на Беларусь выдаткі за падтрымку расейскай агрэсіі

Парламенцкая асамблея АБСЕ выдала супольную заяву ў гадавіну ўварвання Расеі ва Украіну.

Парламенцкая асамблея АБСЕ выдала супольную заяву ў гадавіну ўварвання Расеі ва Украіну. У ёй прапануецца ўскласці выдаткі ад вайны на Расею і на Беларусь, пакуль яна падтрымлівае расейскае ўварванне, перадае «Белсат».

У заяве Асамблея асуджае агрэсіўную вайну Расеі супраць Украіны як выяўнае і грубае парушэнне яе абавязання у рамках АБСЕ.

Адзначаецца, што вядзенне Расеяй сваёй агрэсіўнай вайны было адзначана надмернай і наўмыснай жорсткасцю: несэлекцыйныя абстрэлы ўкраінскіх цывільных жыхароў і разбурэнне цывільнай інфраструктуры; выкарыстанне катаванняў у якасці сродкаў вядзення вайны; выкраданне тысяч украінскіх дзяцей для прымусовага ўсынаўлення і асіміляцыі; намаганні ў нападзе на ўкраінскую ідэнтычнасць і знішчэнне культурных вартасцяў і мноства іншых парушэнняў асноўных прынцыпаў міжнароднага гуманітарнага і правоў чалавека.

«Між тым дэзінфармацыйныя кампаніі Расеі, у тым ліку ў Парламенцкай асамблеі АБСЕ, накіраваныя на адмаўленне або хаванне характару яе злачыннай і барбарскай вайны супраць Украіны, настолькі ж адкрыта фальшывыя, колькі і агідныя. Праўда аб злачынствах Расеі відавочная для ўсіх», - гаворыцца ў заяве.

Чальцы Парламенцкай асамблеі Арганізацыі бяспекі і супрацоўніцтве ў Еўропе абавязаліся падтрымаць намаганні Украіны ў аднаўленні свайго суверэнітэту і тэрытарыяльнай цэласнасці да міжнародна прызнаных меж 1991 года, каб управіцца з ростам шкоды, якую штодня прычыняе расейская агрэсія. У тым ліку ніколі не прызнаваць незаконную акупацыю тэрыторыі Украіны.

У Асамблеі прапанавалі ўскласці выдаткі на Расею, а таксама на Беларусь, пакуль яна падтрымлівае Расею, у адказ на незаконную і неапраўданую агрэсію супраць Украіны датуль, пакуль Расея не зменіць курс і не будзе адноўлены поўны суверэнітэт Украіны.

У заяве гаворыцца аб супрацьстаянні намаганням Расеі ў распаўсюджванні "фальшывых наратываў што да яе агрэсіўнай вайны і маштабаў жудасных злачынстваў, якія ўчыняюцца расейскімі сіламі ды іхнімі марыянеткамі".

Таксама ў Асамблеі выступілі за вызваленне вязняў сумлення ў Расеі і Беларусі, у тым ліку несправядліва зняволеныя ў турму за выступленні супраць вайны.