29 сакавiка 2024, Пятніца, 9:04
Падтрымайце
сайт
Сім сім,
Хартыя 97!
Рубрыкі

Украінскі спецназ зладзіў засаду ў тыле 155-й брыгады РФ і сарваў штурм Вуглядара

5
Украінскі спецназ зладзіў засаду ў тыле 155-й брыгады РФ і сарваў штурм Вуглядара

Распляжанае танкавае падраздзяленне расейцаў.

Байцы Сіл спецаперацый УСУ арганізавалі засаду ў варожым тыле, знішчылі расейскую тэхніку і сарвалі штурм акупантаў на Вуглядарскім кірунку.

Аб гэтым паведамляюць Сілы спецаперацый УСУ.

Паведамляецца, што ўкраінскія ўчынілі засаду на шляху руху танкавага падраздзялення расейцаў - сумна вядомай 155-й брыгады марской пяхоты, якая базуецца ў горадзе Уладзівастоку.

У выніку супольных дзеянняў байцоў ССА і 72-й асобнай механізаванай брыгады быў знішчаны мадэрнізаваны расейскі танк Т-80 яшчэ да таго, як ён выйшаў на агнявую пазіцыю.

Да таго ж, падчас бою ў палон трапілі два члены танкавага экіпажа - кантрактнікі, расейскія марскія пяхотнікі.

Украінскія вайскоўцы надалі кваліфікаваную медыцынскую дапамогу палонным і вынеслі іх за лінію баявога сутыкнення ў размяшчэнне Сіл абароны.

«Супольная аперацыя ССА Украіны і 72-й АМБр прайшла без страт з нашага боку і сарвала запланаваныя ворагам штурмавыя дзеянні на Вуглядарскім кірунку», - дадаюць вайскоўцы.

Раней сайт Charter97.org паведамляў, што УСУ падарвалі буйную вайсковую базу РФ пад вёскай Кірылаўкай ля Вуглядара. У выніку ўдару было ліквідавана амаль 100 акупантаў.

Напісаць каментар 5

Таксама сачыце за акаўнтамі Charter97.org у сацыяльных сетках