МЗС Польшчы: Прыйдзе дзень, калі Пачобут зможа жыць у свабоднай Беларусі

Варшава адрэагавала на незаконны прысуд аднаму з лідараў Саюза палякаў.

МЗС Польшчы адрэагавала на незаконны прысуд журналісту, аднаму з лідараў Саюза палякаў Беларусі Анджэю Пачобуту.

«Мы асуджаем несправядлівы прысуд, вынесены судом аўтарытарнай дзяржавы. Анджэй Пачобут - польскі і беларускі патрыёт. Мы падтрымліваем і будзем падтрымліваць яго. Прыйдзе дзень, калі свабодны Анджэй Пачобут і беларускія палякі змогуць жыць у свабоднай Беларусі», - заявіў афіцыйны прадстаўнік польскага МЗС Лукаш Ясіна.

Як пісаў сайт Charter97.org, сёння ў Гарадзенскім абласным судзе вынесены прысуд паводле справы Анджэя Пачобута. Яго асудзілі да васьмі гадоў калоніі ўзмоцненага рэжыму. Прысуд вынес суддзя Дзмітрый Бубенчык.